Nota de prensa
PORTOS DE GALICIA ACOMETERÁ EN BREVE AS OBRAS DE REPARACIÓN E ACONDICIONAMENTO DA CARPINTERÍA EXTERIOR DA MONCLOA, O LOCAL DE REUNIÓN DOS XUBILADOS DO MAR EN BURELA. GONZÁLEZ BARCIA AGARDA QUE OS TRABALLOS COMECEN EN DÚAS OU TRES SEMANAS.
O rexedor contou que “en breve Portos de Galicia levará adiante as obras de reparación e acondicionamento da carpintería exterior da Moncloa, que é o local no que se reúnen os xubilados do mundo do mar en Burela”. González Barcia lembrou que “esta actuación foi solicitada no seu día polos propios xubilados, tendo en conta que a carpintería exterior deste local se estaba deteriorando, a obra se tramitou durante o ano pasado e hai un par de días o propio presidente de Portos de Galicia, José Juan Durán, deu autorización para que se leven adiante eses traballos”.
O alcalde confía que “dentro de dúas ou tres semanas poidan comezan esas obras e así se lle comunicou hoxe pola mañá ás persoas que usan ese local para reunirse e intercambiar as súas experiencias. Deste xeito Portos de Galicia, aínda dentro da situación que se está a vivir actualmente, intenta levar a cabo aquelas actuacións máis importantes para manter as instalacións portuarias en perfecto estado, incluso aquelas adicadas ao lecer e ao descanso, como é o caso da Moncloa”.
González Barcia e a concelleira de Mar, Patricia López Eijo, visitaron esta mañá a Moncloa e informaron aos xubilados do inicio das demandadas obras.