UNIFOZ, xuntouse no día de hoxe cos veciños de San Acisclo co obxectivo de recoller as súas queixas polo cambio de emprazamento na instalación dunha marquesiña nesta parroquia así como os malos modos cos que algún veciño foi recibido polo Alcalde.
UNIFOZ, considera o feito como grave, pois entendemos que a lóxica, o sentido común e os veciños terían que ser determinantes para tomar as decisións acertadas, e non por imposición.Por todo isto
UNIFOZ, recolleu firmas para apoiar a súa proposta de instar ao Alcalde a que modifique a instalación da Marquesiña así como para presentar unha moción de urxencia para a vindeiras sesión plenaria para solicitar acordo da Corporación Municipal para dirixirse a Xunta de Galicia e solicitar a cesión do terreo colindante coa carretera LU151 e a LU152 ao Concello de Foz, coa finalidade de que o mesmo poda ser empregado como lugar de lecer mediante un proxecto de acondicionamento.
SR. ALCALDE.
Jaime Cancio Rodríguez, Ana Mª López Campoamor, Mª Ángeles Veiga Varela en representación do grupo Municipal UNIFOZ e no seu nome Jaime Cancio Rodríguez como portavoz de UNIFOZ na Corporación Municipal que Vostede preside, ao amparo do disposto no artigo 14 e seguintes do Regulamento de Organización, Funcionamento e Réxime Xurídico das Entidades Locais e no exercicio do Dereito Fundamental, recollido no artigo 23.1 da Constitución no que se recoñece o dereito fundamental dos cidadáns de participar nos asuntos públicos por medio dos representantes libremente elixidos nas eleccións por sufraxio universal.
EXPOÑEN:
Que por parte do Concello iniciáronse as obras para instalación dunha marquesiña no cruce da carretera LU152 coa LU151 na parroquia de San Acisclo .
Que a mencionada instalación incomprensiblemente non se fai na parada de bus, e se fai fora da parada. É polo que:
SOLICITAMOS:
Se proceda ao cambio do emprazamento da mencionada marquesiña para a parada de bus, onde inicialmente estaba previsto .
Jaime Cancio Rodríguez
SR. ALCALDE PRESIDENTE DO CONCELLO DE FOZ
Es posible que tu navegador no permita visualizar esta imagen.
Es posible que tu navegador no permita visualizar esta imagen.
Os Abaixo asinantes veciños de San Acisclo, apoiamos a proposta de UNIFOZ de que se proceda ao cambio de emprazamento da mencionada marquesiña para a parada de bus, onde inicialmente estaba previsto .
SR. ALCALDE.
Jaime Cancio Rodríguez, Ana Mª López Campoamor, Mª Ángeles Veiga Varela en representación do grupo Municipal UNIFOZ na Corporación Municipal que Vostede preside e no seu nome o seu portavoz Jaime Cancio Rodríguez
EXPÓN:
Que na parroquia de San Acisclo, no cruce da carretera da LU152 (Foz-Ferreira) coa LU151 (Fazouro-San Acisclo) como consecuencia das obras da carretera LU152 quedou un espazo público entre as dúas estradas, que en estos momentos está infrautilizado.
UNIFOZ, considera, que este espazo de titularidade da Xunta de Galicia pode ser empregado para espazo de lecer para os veciños do lugar. E polo que
Mediante a presente MOCIÓN URXENTE, solicitamos acordo da Corporación Municipal para dirixirse a Xunta de Galicia e solicitar a cesión do mencionado terreo ao Concello de Foz, coa finalidade de que o mesmo poda ser empregado como lugar de lecer mediante un proxecto de acondicionamento.