Nota de prensa
Traballadores despedidos por Grúas Vidal levan até as portas de Alcoa-San Cibrao as protestas en demanda do pago das indemnizacións pendentes
O persoal afectado debería ter cobrado xa a totalidade das contías a mediados do pasado mes de setembro
Un grupo de ex traballadores de Grúas Vidal trasladouse na mañá deste mércores até as portas de Alcoa en San Cibrao para reclamar da empresa de transportes que faga efectivo ao pagamento das cantidades aínda pendentes das indemnizacións por despedimento e as contías correspondentes as horas extraordinarias. O persoal, que levou até Alcoa as mobilizacións porque é unha das compañías para a que traballa Grúas Vidal, está a espera de percibir as totalidade das cantidades adebedadas dende o pasado mes de setembro.
Durante a protesta, os traballadores afectados recibiron o apoio dos compañeiros/as de Alcoa e mantiveron un encontro co Presidente do Comité, quen se ofreceu a trasladar á dirección de Alcoa a problemática que padecen, co obxecto de que os responsábeis da multinacional do aluminio medien para tentar resolver a situación.
O pasado mes de febreiro, explica o responsábel de Transportes da FGAMT-CIG, Xesús Pastoriza, o persoal de Grúas Vidal convocou folga ante a xeira de despedimentos que a empresa estaba a executar. Tras unha serie de negociacións, a parte social e a dirección chegaron a un acordo polo que os traballadores/as que así o desexasen se acollerían á baixa voluntaria, mais cunha indemnización de 45 días por ano traballado, en lugar dos 20 días cos que a empresa pretendía afrontar os despedimentos.
Dado o elevado da contía económica que a compañía de transportes tiña que desembolsar para o pagamento das indemnizacións (en total 13 empregados decidiron marchar da empresa), programáronse uns pagos aprazados que a empresa leva meses sen cumprir. Dende o pasado mes de xullo Grúas Vidal non ten abonado ningunha das contías pendentes, chegándose a acumular débedas cos traballadores que van dende os 8.000 até os 19.000 euros. Segundo o calendario acadado, matiza Pastoriza, a dirección debería ter abonado xa o último prazo das indemnizacións o pasado mes de setembro.
A protesta realizada este mércores en San Cibrao dá continuidade ás mobilizacións que os traballadores afectados están a realizar dende o pasado mes de setembro. De feito, o persoal xa desenvolveu concentracións diante da sede da empresa na Coruña e ás portas da refinaría de Repsol (que tamén ten contratados os servizos de Grúas Vidal). Ademais, o venres 4 de novembro, o persoal realizará unha nova concentración á entrada da Refinaría de Repsol na Coruña a partir das 10:00 horas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
