Nota de prensa
Estoa insta a Xunta a que non aprobe o ERE de Muebles Hermida.
Os nacionalistas anuncian que os concursos de acredores en marcha van significar nos próximos meses a ruína para moitos autónomos e Pemes da Mariña.
O 20N non se trata de escoller entre Guatemala Rubalcaba e Guatepeor Rajoy, afirma o BNG
O Bloque Nacionalista Galego celebrou na xornada de hoxe os seus mitin centrais nos Concellos de Barreiros, Trabada e Lourenzá onde participaron os candidatos nacionalistas Federico Gutiérrez Estoa, Dores Fernández Abel e Bernardo Fraga, que foron acompañados polos portavoces municipais do BNG en Barreiros, Ana Ermida, en Lourenzá, cesar Docampo, e Trabada, María Xosé Fernández. Os actos celebráronse ás 13:00 h no salón de Actos do Concello de Lourenzá, ás 18:30 no Centro Social de San Cosme de Barreiros e ás 21:00 h no Salón de Actos da Casa da Cultura de Trabada.
O candidato ao Congreso e Alcalde de Riotorto, Federico G. Estoa indicou que “o 20N non se trata de escoller entre Guatemala Rubalcaba e Guatepeor Rajoy, porque o 20N non é o momento de dicir OK ás políticas que guatemala rubalcaba estivo aplicando na súa condición de membro do goberno e que guatepeor rajoy estivo apoiando na súa condición de xefe da oposición. En definitiva ente guatemala e guatepeor hai unha alternativa que garantiza solucións aos problemas dos galegos e das galegas en Madrid”. Na mesma liña o candidato nacionalista lembrou que “non houbo asunto referido A Mariña no ámbito das competencias da Admistradción Xeral do Estado que non fose obxecto da nosa atención tanto na acción parlamentaria como no debate orzamentario até o punto de que conseguimos ampliar en preto de 8 millóns de Euros os investimentos na Comarca, e xa que logo con esas cantidades permitir que se executasen obras como a urbanización do entorno do Mosteiro de Alcantara ou as Obras de Mellora da Praza do Seminario e da Fonte Vella en Mondoñedo, a Recuperación das ribeiras do Rio Torto nas Rodrígas e a rehabilitación de vivendas para a súa utilización como VPP en Riotorto sen esquecer a recuperación da antiga fabrica de Algas e do entorno da Vilavella en Ribadeo”.
Estoa tras repasar a situación económica que vive a Comarca concluíu afirmando que “ a situación que viven as nosas empresas e o conxunto dos sectores produtivos da comarca e de xeito moi particular as altas taxas de paro que se dan na mesma, efecto que se agrava se atendemos a alta taxa de poboación inactiva, obríganos a converter estas eleccións nunha masiva protesta contra os responsábeis da crise pero tamén nun berro de esperanza para poñer en marcha alternativas que permitan recuperar emprego e reactivar a actividade económica. Non é de recibo que as empresas poidan prescindir dos traballadores coa lixeireza coa que están facendo nesta comarca, algo que é posíbel pola reforma laboral que aprobaron populares e socialistas, unha reforma laboral que agora se demostra que tiña o único obxectivo de converter os traballadores en mercadoría barata. É un autentico escándalo o ERE de de Muebles Hermida polo que esiximos da Xunta de Galiza que non aprobe o mesmo se non garante alternativas laborais para os traballadores afectados.O Partido Popular ten que decidir se está disposto a mandar a rúa a 94 traballadores deste centro de traballo ”.
Xa por último o candidato do BNG demandou “ a anulación da reforma laboral aprobada por populares e socialistas, posto que tras cada parado hai un drama persoal así como unha modificación da actual lei concursal. Os procedementos concursais abertos na comarca evidencian que é necesario modificar unha norma que deixa na indefensión aos traballadores e aos pequenos acredores. Tras unha empresa que presenta concurso de acredores, hai un monto importante de Pemes ou autónomos que quedan nunha situación de quebra práctica polo que se debe garantir os dereitos deste fronte aos da banca. E máis como xa estivemos vendo nos últimos anos e como vamos ver nos próximos meses son centos os autónomos que quedan co posto ou Pemes que se ven obrigados a fechar pola situación de ausencia de liquidez que están a xerar estes concursos de acredores”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
