Nota de prensa
Debate no Parlamento
OS SOCIALISTAS RECLAMAN UN “GRAN DEBATE SOCIAL, TRANQUILO E SOSEGADO” PARA REALIZAR UNHA NOVA LEI DO URBANISMO DE GALICIA
-O portavoz de Ordenación Territorial e Urbanismo do Grupo Socialista Ismael Rego denunciou “que en Galicia hai ducias de sentencias xudiciais pola mala aplicación da lexislación urbanística da nosa Comunidade, por non cumprila”
-Reclama unha lei mais sinxela, que sexa un motor incentivador para que os Concellos poidan facer PXOM “con responsabilidade e con tranquilidade”
-Denunciou que os servicios xurídicos da Comunidade Autónoma non emiten informes, senón a Secretaria Xeral de Urbanismo “polo tanto “informe de parte” sobre o urbanismo da nosa Comunidade, deixando aos cidadáns e as institucións en absoluta inseguridade xurídica”
-O PP rexeitou no Parlamento, manter e defender os recursos presentados polo Goberno Galego, na defensa do cumprimento da lexislación urbanística de Galicia, e remitir ao Parlamento os informes xurídicos que sustentan os acordos por parte do Goberno, para a retirada dos recursos contenciosos por incumprimentos de legalidade urbanística
-Anunciou que o PSdeG-PSOE esixira que a nova normativa estea blindada por unha maioría de 2/3 da Cámara, para realizar unha futura modificación
Santiago de Compostela, 10 de outubro de 2011. O portavoz de Ordenación Territorial e Urbanismo do Grupo Socialista Ismael Rego interveu hoxe no Pleno da Cámara Autonómica, para defender unha moción, na que reclamou un Informe da situación do urbanismo de Galicia, amais de manter e defender os recursos presentados polo Goberno Galego na defensa do cumprimento da lexislación urbanística da Comunidade “con independencia do color político de quen os teña presentado”.
Na proposta Rego solicitou tamén os Informes xurídicos que sustentan os acordos do Goberno, para a retirada dos recursos contenciosos por incumprimentos de legalidade urbanística. Replica ademais que estes informes están realizados polos servicios xurídicos profesionais que pagan tódolos galegos “cos nosos impostos”. “Queremos que saber que informes sustentan as retiradas dos recursos, xa que eses servicios profesionais da Comunidade son os mesmos que antes aconsellaron presentalos”, espetou .“Porque imaxinamos que serán eses, non haberá ningún outro?”, preguntou.
Na súa intervención Rego denunciou “que en Galicia hai ducias de sentencias xudiciais pola mala aplicación da lexislación urbanística da nosa Comunidade, por non cumprila”. Asegura ademais que esta nefasta xestión “conleva destrozos importantes en todo o territorio, tanto na Costa, no Interior, no Rural e nas cidades”, e insistiu “non queda practicamente ningún sitio onde os tribunais de Xustiza non se teñan pronunciado”. E incluso aludiu que a Xustiza “tira abaixo PXOM como os da cidade de Ourense”. Por iso o deputado cualifica esta situación como “pouco gratificante”.
Rego dixo que o “territorio, xunto cos galegos e as galegas, é o noso principal activo de futuro”.
Solicitou tamén elaborar unha nova Lei de ordenación urbanística de Galicia. Nese senso enviou unha mensaxe de ao Goberno de Feijoo “este é un bo momento para iniciar un gran debate social, tranquilo e sosegado sobre a Reforma da Lei de Ordenación Urbanística de Galicia”. O deputado socialista reclamou consenso e a máxima complicidade social e institucional, “xa que teñen que aplicala o conxunto da administración de Galicia”.
Lei de Protección do Medio Rural de Galicia, “un gran erro”
O portavoz de Ordenación Territorial e Urbanismo dixo que a Lei de Protección do Medio Rural de Galicia, impulsada por Xose Cuiña, mantiña espacios para a discrecionalidade na súa aplicación, algo que cualificou como “un gran erro”. E insistiu en que nesta Lei “todo estaba prohibido e permitido para actuar sobre o territorio, salvo que decídese de xeito contrario, ou ben o Director Xeral, o Conselleiro ou o Consello da Xunta”.
Asegura que o resultado desta política “vivímolo e vémolo hoxe tódolos galegos”. Por iso reclama unha lei mais sinxela, que sexa un motor incentivador para que os Concellos poidan facer PXOM con responsabilidade.
Rego denunciou que os servicios xurídicos da Comunidade Autónoma non emiten informes, senón a Secretaria Xeral de Urbanismo “polo tanto informe de parte sobre o urbanismo da nosa Comunidade, deixado aos cidadáns e as institucións en absoluta inseguridade xurídica”, replicou.
Sanxenxo
Dixo que a actual responsable do urbanismo de Galicia sabe moito de este tema “solo hai que darse unha volta por Sanxenxo”, ironizou.
Ademais anunciou que o PSdeG-PSOE esixira que a nova normativa estea blindada por unha maioría de 2/3 da Cámara, para realizar unha futura modificación.
Na moción presentada o PP rexeitou, dous puntos da moción, nos que reclamaba manter e defender os recursos presentados polo Goberno Galego, na defensa do cumprimento da lexislación urbanística de Galicia, e tamén remitir ao Parlamento os informes xurídicos que sustentan os acordos por parte do Goberno, para a retirada dos recursos contenciosos por incumprimentos de legalidade urbanística
TEXTO APROBADO NO PARLAMENTO POR UNANIMIDADE:
1-Remitir ao Parlamento de Galicia no actual período de sesións un Informe sobre a situación do urbanismo de Galicia, as medidas e actuacións adoptadas ao respecto e o seu resultado.
2- Impulsar o cumprimento do previsto no acordo unánime do Pleno do Parlamento, doa día 9 de febreiro de 2010, para a elaboración dunha nova Lei de ordenación urbanística de Galicia.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
