Nota de prensa:
O CONCELLO REFORZA O PECHE DA PISTA DA PRAZA DOS CAMPOS TRALA PETICIÓN PRESENTADA POLOS SOCIALISTAS A PRINCIPIOS DE SETEMBRO
-O GMS subliña que “trasladamos a solicitude dos veciños a través do rexistro, pois esa é a nosa obriga”
-Esperan que esta sexa a tónica habitual de actuar por parte do equipo de goberno, “que teñan en conta as nosas propostas”
CERVO, 8 DE OUTUBRO. Os membros do Grupo Municipal Socialista amosaron a súa satisfacción logo de coñecer as últimas declaracións do alcalde, Alfonso Villares, nas que anunciaba o reforzo do peche da pista polideportiva da Praza dos Campos.
Os socialistas lembraron que “a principios do pasado mes de setembro, fomos nós os que solicitamos a través do rexistro que se fisexen as xestións oportunas para mellorar a seguridade desta praza, limitando dalgunha maneira esta pista do resto das áreas. A mestura de distintas zonas para diversos usos podía ocasionar problemas e incomodidades para tódolos usuarios”.
Precisamente, os máis interesados na mellora da seguridade na Praza dos Campos eran os veciños, pois así o demandaban, e nós, como Grupo Municipal “trasladamos de inmediato as queixas ó Concello para que se levasen adiante os trámites oportunos, pois esa é a nosa obriga”.
Dende o GMS esperan que esta sexa a tónica habitual de actuar por parte do equipo de goberno, “que teñan en conta as nosas propostas, porque o único que pretendemos é comunicar as peticións dos veciños ou mellorar, sempre que se poida, a calidade de vida no noso municipio. Esperemos que continúen nesta dirección”.