Ribadeo, 20111008 O día de onte, venres 7 de outubro, a AVV O Tesón comezou as charlas do novo ciclo ‘Ribadeo e …’, adicado desta volta á saúde. Por cuestións alleas houbo de cambiarse a programación inicial, polo que esta primeira charla foi impartida por Rocío Botana García co título ‘Las medicinas alternativas: mis experiencias’, desgranando nela o seu recorrido por diversos medios alternativos e a idea que ten na actualidade de saúde. 
Asemade, o Tesón comunica que xa foi posta á venda a lotería de Nadal da sociedade, que aproveita os seus talóns para chamar a atención sobre a desfeita das vidrieiras do cemiterio.