Nota de prensa
Logo da presentación do noso libro “Cinco anos de Bicos…de Leite” seguimos coas actividades deste mes de outubro para celebrar a Semana Mundial da Lactancia Materna cun ciclo de cine. A proxección das películas terá lugar no Cenima de Foz ás 18:30 horas nas datas seguintes:
– Venres 14 de outubro: “BEBÉS: A PELÍCULA” (Thomas Balmès). Duración: 80 minutos. Este documental segue a vida de 4 bebés, durante o seu primeiro ano de vida, en diferentes lugares do mundo: Namibia, Xapón, Mongolia e California. Nel teremos a oportunidade de ver como transcorre o día a día destes nenos e nenas e de comparar as diferentes formas de crianza segundo onde vivan.
– Venres 28 de outubro: “O PEITO NON TEN HORARIO” (Dra. Gro Nylander). Duración: 45 minutos.
É un clásico vídeo educativo no que se inclúe valiosa información sobre os distintos aspectos da lactancia materna. Este precioso documental é especialmente recomendable para embarazadas e nais recentes, así como para todas as persoas que acompañan a estas mulleres durante esta etapa da vida.
A entrada e libre e gratuíta. Bebés, nenos e nenas son benvidos.
Asociación lucense pro lactancia materna Bico de leite
www.bicodeleite.blogspot.com