Nota de prensa
Concentración convocada polo BNG , ante a Delegación de Facenda en Foz contra a reforma da Constitución
O BNG levará ao Parlamento unha emenda á totalidade desta proposta e pedirá un referendo
A Mariña, 31 de agosto de 2011. O BNG organizou para a xornada de onte concentracións en tódalas cidades e vilas galegas en contra de reforma da constitución pactada polos dous grandes partidos do estado. Na Mariña a concentración tivo lugar hoxe diante da Delegación de Facenda en Foz á que asistiron, ademais de moitos cidadáns, simpatizantes, afiliados e cargos orgánicos e institucionais do BNG.
En relación a esta reforma, Federico Gutiérrez Estoa, alcalde de Riotorto e lector do manifesto anunciou que o BNG presentará unha emenda á totalidade desta proposta que se debate hoxe na cámara baixa. Para Estoa “este é un claro ataque contra Galiza e o resto das comunidades autónomas xa que esta modificación tira por terra a autonomía financeira das autonomías”. O BNG é contrario a esta reforma “tanto polo fondo como pola forma” e lembraron que “en todo o período democrático a constitución foi intocábel e agora PP e PSOE propoñen unha reforma express para renunciar á soberanía política diante dos mercados”.
Para o BNG trátase dunha reforma “antidemocrática, antisocial, e neoliberal”. Segundo os nacionalistas a modificación suporá “converter nun principio constitucional un dos principios dogmáticos da dereita política e económica que pasa porqué a eliminación do déficit público sexa un fin en si mesmo” e engadiron que na práctica “esta reforma vai a deixar fora do marco constitucional as políticas de esquerdas dirixidas á reactivación da economía a través do gasto público”.
Recentralización do poder político
Pola súa banda Antonio Veiga Outeiro, responsábel comarcal e Vicepresidente da Deputación de Lugo afirmou que esta reforma “é totalmente centralista e fará totalmente inviábel que as comunidades autónomas sigan avanzando cara a autonomía fiscal.” Para o BNG con esta reforma “frease claramente o avance cara o autogoberno” e, segundo Antonio Veiga e Federico Gutiérrez Estoa, “PP e PSOE impulsarán políticas que potencien, de novo, a centralización do poder político”. Esta medida “volve limitar a capacidade real de autogoberno de Galiza ao limitar a capacidade de gasto das comunidades autónomas”.
Sétimo día de concentracións en defensa dos pacientes da Mariña "e a situación, din, manténse como o primeiro día, con carencias graves de persoal facultativo especialista en dermatoloxía, neuroloxía, reumatoloxía, dixestivo, radioloxía, uroloxía, cardioloxía ou medicina interna".
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
Tras o partido que se decidiu na tanda de penaltis a favor do equipo da Mariña, o responsable provincial valorou "o encontro como unha mostra do gran nivel do fútbol sala feminino na provincia con dous equipos que ofreceron unha gran espectáculo deportivo" e destacou "o bo ambiente no pavillón coas afeccións apoiando en todo momento ás súas xogadoras".
Chámase Jilgueritos e xa se integrou na Asociación de Comerciantes, Industriais, Servizos e Autónomos (ACISA) de Ribadeo.
Está fixada para as 20:00 horas en primeira convocatoria e media hora despois en segunda. A orde do día inclúe estes asuntos a tratar: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
