Nota de prensa
A FUNDACIÓN EXPOMAR COMEZOU A ABONAR AS DÉBEDAS QUE TIÑA CONTRAÍDAS COA CONFRARÍA DE PESCADORES DE BURELA. O PRIMEIRO PAGO ASCENDEU A 19.200 EUROS. GONZÁLEZ BARCIA AGARDA QUE TODAS QUEDEN SALDADAS AO LONGO DESTE ANO.
Burela, a 18 de agosto de 2011. A Fundación EXPOMAR comezou a semana pasada a abonar a débeda que tiña contraída coa confraría de pescadores de Burela e que en total ascende a uns corenta mil euros, en concepto de canon polo uso da nave de redes para a celebración da Feira EXPOMAR e de PRODUART de 2009, así como PRODUART de 2010 e EXPOMAR e PRODUART do presente ano.
O presidente da Fundación e alcalde de Burela, José María González Barcia, indicou que o pasado venres fíxose efectivo o primeiro ingreso a favor da confraría de pescadores, cun importe de 19.200 euros. Barcia confía en que a débeda estea totalmente abonada ao longo do presente ano.
González Barcia manifestou que “a confraría ten un espíritu absolutamente colaborador neste asunto, e así o puxo de manifesto na última reunión que celebrou o padroado da Fundación EXPOMAR do que forma parte”. O presidente da Fundación sinalou que “non haberá problemas coa confraría, o patrón maior e o cabildo están en boa disposición para que este asunto se solucione da forma mellor para todos”.
Barcia dixo que “non entendo como se chegou a esta situación, a non ser que se explique pola falla de xestión e pola falla de vontade para resolver este problema. Resulta sorprendente que se lle queira recoñecer á confraría a súa colaboración con nomes de prazas, pero semella que solo se lle recoñece se non se lle paga e pecha a boca”.
Igualmente, o presidente da Fundación EXPOMAR e alcalde de Burela subliñou que “xa está en fase de redacción, e polo tanto asinarase en breve, o convenio entre a Fundación e o Concello para que éste proceda a aportar 12.000 euros á Fundación”.
González Barcia manifestou que “o Concello de Burela non aportou nada á Fundación EXPOMAR nos anos 2008, 2009 e 2010, o que é unha demostración de falla de interese do bipartito pola actividade de EXPOMAR”.
As súas maxestades encheron de ilusión este domingo aos pícaros.
O conselleiro do Mar asistiu ao partido entre CD Burela FS e Noia Portus Apostoli.
Máis dun centenar de persoas acudiron ao acto que presentou o Alcade, Francisco Javier Vinjoy Valea; e o presidente do club de vela, Javier Gallego. O peche púxoo Cidre Fernández, xenealoxista do rexistro diocesano de Mondoñedo. Nesta ligazón pódese ver a obra que ten unha duración de vinte minutos 
A cita é a primeira do ciclo de bailes mensuais que o Concello de Vilalba desenvolverá ao longo do ano e estará amenizada polo Dúo Estrellas.
Este venres as crianzas comeron roscón de reis e desfrutaron de Pintacaras.
Os Magos de Oriente levaron a ilusión ás usuarias e usuarios destas instalacións, entregáronlles caramelos e charlaron con eles. Será xa na noite do 5 ao 6 de xaneiro cando os Reis Magos retornen para deixar nalgún lugar da residencia o agasallo do Concello de Ribadeo: un collarín, que poderán empregar para os seus desprazamentos en coche ou para ver a televisión comodamente no sofá. Tamén reciben este presente as persoas usuarias do centro de día e do SAF e as residentes en La Villa Hogar e en Mirador del Eo. Xunto a Melchor, Gaspar e Baltasar estivo a concelleira de Benestar Social, Elena Sierra.
A asociación Camiña adquiriu un ordenador de mesa grazas a subvención concendida pola Fundación ONCE, que apoia proxectos destinados a creación, remodelación e expansión de centros que promoven a atención e a mellora da calidade de vida de persoas con diversidade funcional. Este novo material será utilizado para traballar cos rapaces e rapazas que acoden ao centro e así achegarse un pouquiño mais ás novas tecnoloxías, cada vez mais importantes na nosa vida diaria.
