Nota de prensa:
A Plataforma na Defensa da Sanidade Publica da Mariña chama á poboación mariñá estar atenta á aplicación na nosa área asistencial do Decreto de Xestión Integrada.
A Xunta está aproveitando a época vacional para aprobar o desmantelamento das actuais áreas sanitarias de costas á sociedade.
A Mariña, 10 de agosto de 2011. A Plataforma na Defensa da Sanidade Pública da Mariña pediu á sociedade mariñá que estea alerta diante da publicación no DOG do pasado 1 de agosto dos Decretos de aplicación das Áreas de Xestión Integrada dos Salnés e O Barco polo que estas Áreas asistencias, aínda non perdendo a súa denominación, pasarán a depender de Pontevedra e Ourense. A Plataforma integrada por colectivos de doentes, asociacións veciñais, persoal sanitario, sindicatos e partidos políticos alertaron de que a Xunta está aproveitando a época estival para, de costas á sociedade, proceder ao desmantelamento do actual mapa sanitario afastando do territorio das áreas afectadas a xestión e a toma de decisións e prexudicando a carteira de servizos existente pola mobilidade de persoal asistencial e con isto aos doentes, que no caso da Mariña, xa están a ser derivados masivamente en determinadas especialidades e servizos.
A Plataforma na Defensa da Sanidade Pública da Mariña acende as alertas sobre o desmantelamento da actual área sanitaria mariñá.
A Plataforma Demandou á sociedade mariña ”que estea alerta” diante do folla de ruta do goberno da Xunta para a modificación do actual mapa sanitario na Mariña. “En época vacacional e sen información previa á sociedade” a Xunta xa aprobou o desmantelamento das áreas sanitarias do Salnés e O Barco que serán integradas respectivamente en Pontevedra e Ourense “sen ter en conta as distintas reclamacións feitas polas respectivas plataformas en defensa da sanidade pública.” Dende a plataforma mariñá advertiron que a Consellaría de Sanidade “está colando ás agachadas estas decisións cando a maioría do persoal sanitario e cidadáns está de vacacións para evitar calquera resposta social en contra”
O PP pretende trasladar a Galiza o modelo sanitario madrileño que empezou por eliminar as áreas sanitarias para despois deixar campo aberto á privatización asistencial.
Dende a plataforma chaman a estar atentos e atentas xa que o PP galego segue a folla re ruta fixada polo sistema de saúde da Comunidade de Madrid, “empezando pola eliminación das áreas sanitarias e seguindo pola entrada de capital privado no sistema público de saúde para o que as estruturas de área son un estorbo”.
Aínda mantendo a súa denominación, de implantarse o modelo seguido polo Salnés e O Barco na comarca, a Area Sanitaria Mariñá deixará de existir.
A Plataforma advertiu que non se debe caer no engano argumentado pola Consellaría de que a actual denominación da Area non desaparecerá, “si as estruturas directivas e a toma de decisións se centraliza en Lugo, aquí só quedará un transmisor de información que executará as ordes que proveñan doutro lado”. O Decreto de Xestión Integrada modifica as estruturas de mando e xestión e por tanto A Mariña perdería a capacidade de programación, organización e xestión no propio territorio complementando a actividade dos servizos especializados e asistencia primaria.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
