Os Torneos de Billarda sucédense sin trégola perante o verán reclutando novas franquicias de palanadores

Nota de prensa

A BILLARDA NA FESTA DO REQUEIXO E NO FESTIVAL DA CHAIRA

Os Torneos de Billarda sucédense sin trégola perante o verán reclutando novas franquicias de palanadores como é o caso dos SPARTAK de Muimenta que tomarán parte no próximo campeonato regular da LNB logo de probar con éxito as súas forzas nos dous abertos que no espazo de unha semana se realizaron na terra chá.

O primeiro foi o día 10 de xullo no circuito de cars da Pastoriza. Participaron mais de trinta palanadores que loitaron duramente baixo os raios dun sol ardente e donde resultaron vencedores: 1º Luis de Portonovo, 2º Geni de Ribadeo e 3º Marcos de Remourelle. Como peche da xornada algúns dos presentes poideron acompañar de copilotos aos irmáns VALLEJO nunha demostración de dominio do volante no circuito.

O segundo foi o Aberto do Festival da Chaira, en Baltar. A carón do rio e logo dun sabroso e abundante xantar campestre, regado co “Escumoso Bieiteiro” (un novo e refrescante cava galego ¿?), fixo o seu debut oficial “Extensión Agraria”, grupo no que, ao que se puido ver, ten cabida todo aquel que sepa tocar algún instrumento musical. (Non é que o fixeran tan mal, pero houbo quen pensou que tiveron moito que ver en que o día soleado se tornara oscuro e acabara por chover a rego cheo.

No campo da festa e acompañados polas probas de sonido dos grupos participantes no Festival, deu comezo o aberto de billarda con algo mais de corenta participantes que se iban eliminando a medida que o día se iba oscurecendo. Os que acadaron as semifinais acabaron enchoupados de agua, pero ainda así o torneo continuou ata acadar unha final a tres na que resultaron gañadores: 1º Ivan de Portonovo, 2º Reyes de Ribadeo e 3º Xermán de Lourenzá. Ámbolos tres recibiron os correspondentes trofeos e o Campión además será agasallado con un Xabarí.

A Billarda non paaara…