Nota de prensa:
DENDE O BNG ESIXIMOS EXPLICACIÓNS AO GRUPO DE GOBERNO SOBRE A NON ORGANIZACIÓN POR PARTE DO CONCELLO DO IV SEMINARIO DE JAZZ
Dende o BNG queremos pedir explicacións ao grupo de goberno do PP de Burela pola non organización, a última hora, do IV Seminario de Jazz que ía ter lugar dentro duns días na nosa vila. Despois de tres edicións anteriores moi exitosas, tanto polo número de participantes como pola repercusión social que este curso tivo en Burela e na comarca da Mariña, agora terá que ser unha Asociación a que organice este Seminario ante a negativa do Concello a facelo.
Levamos xa uns días recibindo as queixas das persoas que, un ano máis, querían participar neste curso que xa convertera a Burela nun referente do ensino da música moderna. O prazo de matrícula xa estaba aberto dende había tempo, ao redor de 30 persoas xa aboaran as taxas municipais para participar no Seminario, o profesorado que ía impartir este curso xa estaba contratado… e agora resulta que o Concello se desentende do tema, alegando cuestións económicas (curiosamente para este curso de jazz, non para outros de musica), e non dando ningunha posibilidade de celebración deste Seminario.
Queremos explicacións de por que o Concello non comunicou publicamente que renunciaba á organización do IV Seminario de Jazz cando xa estaban pagadas moitas das matrículas para participar nel e había máis persoas pendentes de formalizar a súa matrícula que non sabían que facer porque dende o Concello non se daba ningunha explicación sobre se ía haber Seminario ou non.
Á vista de que o Seminario de Jazz xa non vai ser un curso da Escola Municpal de Música, organizado polo Concello, quixeramos saber, entón, cal é a programación de actividades da Escola para este verán ou simplemente saber se vai estar pechada ao público durante os meses de xullo e agosto, sen ningún tipo de curso.
Cremos que non é maneira de proceder suspender este curso de música sen dar ningún tipo de explicación ás persoas que xa estaban matriculadas, sen explicar por que esta actividade non se vai celebrar. E teñen que ser a Concelleira de Cultura e o Alcalde os que expliquen publicamente a súa actitude de menosprezo cara estas persoas e cara o pobo de Burela que verá como, este ano, o IV Seminario de Jazz vai ser organizado por unha Asociación ante a negativa do Concello a apostar por esta actividade musical e social que enchía o noso pobo durante uns días.
As súas maxestades encheron de ilusión este domingo aos pícaros.
O conselleiro do Mar asistiu ao partido entre CD Burela FS e Noia Portus Apostoli.
Máis dun centenar de persoas acudiron ao acto que presentou o Alcade, Francisco Javier Vinjoy Valea; e o presidente do club de vela, Javier Gallego. O peche púxoo Cidre Fernández, xenealoxista do rexistro diocesano de Mondoñedo. Nesta ligazón pódese ver a obra que ten unha duración de vinte minutos 
A cita é a primeira do ciclo de bailes mensuais que o Concello de Vilalba desenvolverá ao longo do ano e estará amenizada polo Dúo Estrellas.
Este venres as crianzas comeron roscón de reis e desfrutaron de Pintacaras.
Os Magos de Oriente levaron a ilusión ás usuarias e usuarios destas instalacións, entregáronlles caramelos e charlaron con eles. Será xa na noite do 5 ao 6 de xaneiro cando os Reis Magos retornen para deixar nalgún lugar da residencia o agasallo do Concello de Ribadeo: un collarín, que poderán empregar para os seus desprazamentos en coche ou para ver a televisión comodamente no sofá. Tamén reciben este presente as persoas usuarias do centro de día e do SAF e as residentes en La Villa Hogar e en Mirador del Eo. Xunto a Melchor, Gaspar e Baltasar estivo a concelleira de Benestar Social, Elena Sierra.
A asociación Camiña adquiriu un ordenador de mesa grazas a subvención concendida pola Fundación ONCE, que apoia proxectos destinados a creación, remodelación e expansión de centros que promoven a atención e a mellora da calidade de vida de persoas con diversidade funcional. Este novo material será utilizado para traballar cos rapaces e rapazas que acoden ao centro e así achegarse un pouquiño mais ás novas tecnoloxías, cada vez mais importantes na nosa vida diaria.
