A A.C.Francisco Lanza de Ribadeo organiza as IX Xornadas de Historia Local

Nota de prensa:
A A. C. FRANCISCO LANZA de Ribadeo organiza as IX XORNADAS DE
> HISTORIA LOCAL para os días 14 e 15, xoves e venres desta semana,ás 20:30 horas no salón de actos da Casa do Mar.
>
> Este ano trataremos da historia recente da nosa vila. Por un lado,
> Enrique Rodríguez Baixeras fará posíbel que coñezamos unha das
> primeiras curtometraxes galegas. Foi dirixida por el a primeiros
> dos anos 70, antes da morte do Ditador, baseándose en dous contos
> da obra de Anxel Fole Á lus do candil. Acompañarán a Enrique
> veciños nosos que fixeron de actores nela.
>
> Esta curtometraxe creuse perdida, e temos a sorte de que o propio
> autor a dea a coñecer.
>
> Por outro lado, e coincidindo co décimo aniversario do seu
> pasamento, lembraremos a Hernán Naval nunha mesa redonda na que
> participarán alumnos e alumnas seus, e tamén outras persoas que
> conviviron intensamente con Hernán nas súas variadas actividades
> (culturais, políticas, sindicais, artísticas…)