Nota de prensa:
O BNG DENUNCIA O COLAPSO DO SERVIZO DE ANATOMÍA PATOLÓXICA NO HOSPITAL DA COSTA
Dous patólogos e tres técnicos soportan a carga de traballo que correspondería a catro patólogos e cinco técnicos
No Servizo de Anatomía Patolóxica do Hospital da Costa hai 5000 probas citolóxicas pendentes de resolver
Estúa denuncia que a acumulación de traballo e o escaso persoal impide ofrecer un servizo axeitado mentres a dirección deriva parte do servizo a centros privados
A Mariña, 13 de xuño de 2011. O BNG elevará ao Parlamento Galego unha iniciativa para preguntar polos problemas que existen no servizo de Anatomía Patolóxica do Hospital da Costa de Burela. O Vice-responsabel Comarcal, Xoán Antón Estúa, criticou o colapso existente neste servizo que multiplicou a súa carga de traballo nos últimos anos sen que isto se vise reflectido no número de persoas que atenden o servizo. Os nacionalistas culpan á xerencia do hospital dos retrasos nos resultados en biopsias e citoloxías que acumulan 5000 probas sen resolver que nalgúns casos superan os nove meses de espera, indican ademais que mentres nas listas de contratación existe persoal preparado e formado, a xerencia de Burela decidiu formar en Oviedo a un achegado ao propio xerente e mentres tanto derivar á sanidade privada parte da carga de traballo que debería facerse no propio Hospital da Costa.
O colapso dos servizos en citoloxías e biopsias diminúe a calidade do servizo aumentando os tempos de espera incluso para patoloxías graves.
Xoán Estúa destacou que “si hai retrasos na entrega de análises claves para o diagnóstico, estase diminuíndo a calidade do servizo e o enfoque da enfermidade”, “os recortes que o SERGAS está a facer no servizo sanitario público van en contra da seguridade sanitaria da poboación e isto non se pode consentir”. O nacionalista explicou que o Servizo de anatomía Patolóxica do Hospital da Costa acumula 5000 probas pendentes de resolución e incrementou nos últimos anos nun 172% a carga de traballo para biopsias en un 50% as citoloxías, mentres seguen contando con dous patólogos onde debería haber catro. “E imposíbel sen persoal atender tal carga de traballo e quen paga as consecuencias son os mariñaos e mariñás con tempos de espera que nalgúns casos superan os nove meses para coñecer o resultado dunha proba”, sinalou Veiga.
Hai persoal formado e preparado para traballar nas listas de contratación que debería cubrir de inmediato as carencias existentes.
Estúa anunciou que o BNG trasladará ao Parlamento Galego os problemas do Servizo de Anatomía Patolóxica do Hospital da Costa, o nacionalista preguntouse “como é posíbel que existindo citotécnicos nas listas de contratación preparado para traballar, se estea formando a un Técnico en Anatomía en Oviedo para realizar probas de citoloxía?; quen paga a súa formación e quen é esta persoa que en calquera caso discrimina a aquelas que xa están formadas e figuran nas listas de contratación. O nacionalista tamén denunciou que, ao igual que sucede noutros servizos, non se suplen as baixas nin as vacacións do persoal polo que o colapso do servizo non deixa de medrar.
Os nacionalistas queren coñecer polo miúdo os motivos do colapso e as medidas previstas polo SERGAS para solucionar o problema.
A iniciativa parlamentar pretende esclarecer a situación real do servizo de anatomía patolóxica do Hospital da Costa, neste sentido Estúa concretou as preguntas que trasladarán aos responsábeis da Consellaría de Sanidade deben responder.
1.- Considera a Consellaría de Sanidade adecuado o servizo de Anatomía Patolóxica do Hospital da Costa?
2.- Cre que dous patólogos poden atender o incremento na carga de traballo dun 172% en biopsias e un 50% en citoloxías?
3.- E certo que se está á espera da formación dun Técnico Especialista en Anatomía enviado a Oviedo para realizar as citoloxías e se obvia que existe citotécnicos nas listas de contratación para cubrir as necesidades do servizo?
4.- Cal é o incremento na carga de traballo no Servizo de Anatomía Patolóxica no Hospital da Costa nos últimos 10 anos? Que porcentaxe da carga de traballo existente neste servizo se deriva a outros hospitais privados?
5.- Considera a Consellaría de Sanidade que os equipos técnicos e equipamentos existentes son suficientes para asumir as necesidades do servizo de anatomía patolóxica do Hospital da Costa?
6.- As medidas de austeridade de esta Consellería son suspender o mantemento periódico dos equipos técnicos provocando a avaría dos mesmos, e consecuentemente a paralización da realización de probas diagnosticas?
7.- Que medidas ten previsto tomar a Consellaría de Sanidade para desatascar o colapso do Servizo de Anatomía Patolóxica no Hospital da Costa de Burela?
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
