Nota de prensa:
O Diario Oficial de Galicia publica hoxe dito trámite, incluído no procedemento de avaliación ambiental estratéxica
A Xunta emite a memoria ambiental do Plan Sectorial de Barreiros para a mellora e ampliación das infraestruturas básicas de saneamento, abastecemento e rede viaria deste concello
O plan sectorial ten como obxectivo superar os déficits en servizos imprescindibles en catro dos núcleos urbanos de Barreiros como son San Cosme, San Pedro, San Miguel de Reinante e Reinante.
Santiago, 28 de xuño de 2011.- O Diario Oficial de Galicia (DOG) publica hoxe a memoria ambiental do “Plan sectorial para a mellora e ampliación das infraestruturas básicas de saneamento, abastecemento e rede viaria no concello de Barreiros”. O plan sectorial ten como obxectivo fundamental paliar os déficits detectados en servizos imprescindibles en catro dos núcleos urbanos de Barreiros como son San Cosme, San Pedro, San Miguel de Reinante e Reinante, para elo prevé una serie de actuacións para a mellora e ampliación de ditas infraestruturas.
O desenvolvemento do plan parte da sinatura dun Convenio de colaboración entre a Consellería de Medio Ambiente, Territorio e Infraestruturas, o Organismo Autónomo de Augas de Galicia, a Empresa Pública de Obras e Servizos Hidráulicos, a Deputación de Lugo e o Concello de Barreiros.
A memoria ambiental considera axeitado o estudo levado a cabo da contorna, onde se identifican os elementos naturais que van a condicionar as futuras actuacións que se van a desenvolver a través dos correspondentes proxectos sectoriais. Para o plan de seguimento relaciónanse unha serie de indicadores por variables e establécese a periodicidade para a súa medición
Criterios de sustentabilidade
Así mesmo, indícanse determinados condicionados que deberán incorporar os proxectos sectoriais que o desenvolvan, a fin de poder considerar plenamente integrados os criterios de sustentabilidade derivados do procedemento de avaliación ambiental estratéxica.
Na memoria medioambiental destácase a importancia de axustar as actuacións á humanización dos núcleos nos que se vai a intervir, mediante a creación de carris-bici, ou sendas peonís, entre outras medidas.
A memoria ambiental pódese consultar no seguinte enderezo da internet: http://aae.medioambiente.xunta.es.
A realidade de Barreiros foi unha situación con que se atopou o actual Goberno, pero da que xa era coñecedora o Goberno anterior, que iniciou os primeiros pasos coa elaboración dun convenio que ía na mesma dirección que o que promoveu este Goberno.
O Executivo autonómico seguirá a colaborar cos concellos na resolución das súas necesidades e problemas máis urxentes, sempre dentro da legalidade e do respecto á normativa que en cada momento sexa de aplicación.
As súas maxestades encheron de ilusión este domingo aos pícaros.
O conselleiro do Mar asistiu ao partido entre CD Burela FS e Noia Portus Apostoli.
Máis dun centenar de persoas acudiron ao acto que presentou o Alcade, Francisco Javier Vinjoy Valea; e o presidente do club de vela, Javier Gallego. O peche púxoo Cidre Fernández, xenealoxista do rexistro diocesano de Mondoñedo. Nesta ligazón pódese ver a obra que ten unha duración de vinte minutos 
A cita é a primeira do ciclo de bailes mensuais que o Concello de Vilalba desenvolverá ao longo do ano e estará amenizada polo Dúo Estrellas.
Este venres as crianzas comeron roscón de reis e desfrutaron de Pintacaras.
Os Magos de Oriente levaron a ilusión ás usuarias e usuarios destas instalacións, entregáronlles caramelos e charlaron con eles. Será xa na noite do 5 ao 6 de xaneiro cando os Reis Magos retornen para deixar nalgún lugar da residencia o agasallo do Concello de Ribadeo: un collarín, que poderán empregar para os seus desprazamentos en coche ou para ver a televisión comodamente no sofá. Tamén reciben este presente as persoas usuarias do centro de día e do SAF e as residentes en La Villa Hogar e en Mirador del Eo. Xunto a Melchor, Gaspar e Baltasar estivo a concelleira de Benestar Social, Elena Sierra.
A asociación Camiña adquiriu un ordenador de mesa grazas a subvención concendida pola Fundación ONCE, que apoia proxectos destinados a creación, remodelación e expansión de centros que promoven a atención e a mellora da calidade de vida de persoas con diversidade funcional. Este novo material será utilizado para traballar cos rapaces e rapazas que acoden ao centro e así achegarse un pouquiño mais ás novas tecnoloxías, cada vez mais importantes na nosa vida diaria.
