Nota de prensa:
RAQUEL ARIAS REUNIUSE CO ALCALDE DE FOZ PARA ANALIZAR A MARCHA DOS PRINCIPAIS PROXECTOS QUE A XUNTA LEVA A CABO NO CONCELLO MARIÑAO
Nesta primeira toma de contacto avaliaron proxectos de infraestrutura viaria ou abastecemento que suman un investimento de máis de 5 millóns de euros
A delegada territorial reiterou o compromiso da Consellería de Educación co IES da localidade, “intentando manter os ciclos formativos proveitosos para os sectores produtivos da comarca sempre que se alcance a matrícula necesaria”
Foz, 16 de xuño de 2011.- A delegada territorial da Xunta, Raquel Arias, mantivo hoxe unha primeira toma de contacto co novo alcalde de Foz, Javier Jorge Castiñeira, con quen analizou a marcha dalgúns dos principais proxectos que desenvolve nese concello o Goberno autonómico.
Así, a delegada informou ao alcalde de actuacións en diversas infraestruturas que están nestes momentos en execución e suman un investimento de máis de 5 millóns de euros. En concreto, Arias referiuse ás obras de mellora do abastecemento de Foz, nas que se invisten 2,21 millóns de euros.
A delegada territorial tamén informou ao alcalde doutros proxectos de gran relevancia para o municipio, como os traballos de mellora da seguridade viaria e de reforma de firme que se realizan na estrada LU-162, entre Ferreira do Valadouro e Cangas de Foz.
Esta obra está a ser acometida pola Sociedade Pública de Investimentos de Galicia (SPI), conta cun investimento de 1,9 millóns de euros e está executada en máis do 60%. A delegada explicou que se redactará un novo proxecto para ampliar a actuación e contemplar a construción de beirarrúas en Cangas de Foz.
Igualmente, a SPI, dependente da Consellería de Medio Ambiente, Territorio e Infraestruturas, inviste 870.000 euros na dotación de beirarrúas e a mellora do pavimento en varios tramos da estrada LU-152, entre Ferreira e Foz. Actualmente estanse a executar os proxectos dos núcleos de Santa Cecilia, San Acisclo e Valadouro, e en breve procederase a iniciar as obras en San Martiño. A actuación podería estar completa no vindeiro mes de agosto.
A través da empresa pública Tragsa, a Xunta executa tamén o saneamento na parroquia de Fazouro, proxecto ao que se destinan 85.600 euros.
Ao marxe das obras de infraestrutura, o alcalde de Foz transmitiu á delegada territorial a súa satisfacción pola decisión da Xunta de ofertar o ciclo superior de dirección de cociña no IES de Foz.
Arias reiterou que “en todo momento foi vontade da Consellería de Educación reforzar a oferta formativa naqueles ciclos que tiveran demanda e evidente relación cos sectores produtivos do entorno”. O problema, matizou, “radicou na escasa matrícula que viña rexistrando esta rama en Foz”.
A delegada confiou en que de cara ao vindeiro curso se incremente o nivel de matrícula e finalmente sexa posible continuar impartindo este ciclo superior no centro focense.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
