Nota de prensa:
VECIÑOS DE CELEIRO DE MARIÑAOS CELEBRARON A REAPERTURA
DAS ESCOLAS DA LOCALIDADE CON MÚSICA E RECORDOS ESCOLARES
Os traballos de reforma supuxeron un investimento de 45.000 euros e consistiron na transformación das dúas aulas do edificio nunha sala multifuncional de 100 metros
cadrados para expsicións, actuacións musicais, obras de teatro e reunións veciñais
Os veciños e veciñas remeroraron os seus anos mozos na escola da localidade a través
dunha exposición organizada pola asociación veciñal e cultural ‘Irmandade San Caetano’
Celeiro de Mariñaos, 2 de maio.
Veciños e veciñas da parroquia barreirense de Celeiro de Mariñaos rememoraron este domingo os seus anos nenos para celebrar o remate das obras realizadas nas antigas escolas da localidade. Mozos e maiores déronse cita nas vellas escolas para lembrar, a través de fotografías e recoldos escolares de distintas épocas, o seu paso por este edificio, que se converte agora en centro socio-cultural.
Os traballos, que foron promovidos pola Asociación Veciñal e Cultural ‘Irmandade San Caetano’, consistiron na reforma do vello edificio e na transformación das dúas aulas coas que contaba nunha ampla sala multifuncional de 100 metros cadrados onde se poderán facer exposicións, actuacións musicais, obras de teatro e reunións veciñais. As obras, que veñen de rematar, supuxeron un investimento de 45.000 euros, que foron aportados pola área de Cultura da Deputación.
Logo dos discursos e agradecementos aos distintos veciños e institucións que colaboraron nesta reforma, a nova sala multiusos, ateigada de público, quedou inaugurada cun concerto de Mini e Mero. Para celebrar o remate dos traballos, a asociación Irmandade San Caetano preparou un completo programa de actividades para todo o mes de maio que inclúe unha exposición, música e teatro. Segundo explica Xabier López, presidente da asociación, “o obxectivo a partir de agora é dotar de actividade un espazo que agora está acondicionado para acoller calquera tipo de evento”.
As escolas de Celeiro de Mariñaos, inauguradas en 1962, levaban varios anos sen ser usadas como centro de ensino e con esta remodelación perseguíuse acondicionalas para un uso socio-cultural. As obras consistiron en derrubar o tabique que separaba as dúas aulas das que constaba o edificio para lograr un espazo de maior tamaño, e incluíron ademais a renovación da instalación eléctrica, a construción de baños adaptados para minusválidos e a substitución das ventás.
MAIO CULTURAL
Os actos programados para este mes de maio pola asociación veciñal e cultural ‘Irmandade San Caetano’ arrincaron este domingo coa apertura dunha exposición que, baixo o título As nosas primeiras letras, reuníu fotografías e recordos escolares das distintas xeracións de alumnos que foron pasando por esta escola dende a súa apertura o 18 de outubro de 1962.
A continuación, os músicos Mini e Mero, fundadores do mítico grupo Fuxan os Ventos e representantes da canción galega reivindicativa, deron un concerto para todos os veciños e veciñas. A xornada rematou cunha merenda para celebrar o remate das obras de arranxo da escola.
O programa de actos continuará o martes 17 de maio, Día das Letras Galegas, coa representación da obra de teatro Farsa á escocesa e matrimonio século XXI, a cargo do grupo de teatro Axóuxeres, de Vilaronte.
Tras as tradicionais Badaladas de medianoite que marcarán o fin do ano vixente, o Concello dará a benvida ao 2025 cunha festa que se celebrará na praza Roxa a partir das 2:00 horas e que será amenizada polo disc-jockey Miguel GZ.
A asociación Camiña adquiriu un ordenador de mesa grazas a subvención concendida pola Fundación ONCE, que apoia proxectos destinados a creación, remodelación e expansión de centros que promoven a atención e a mellora da calidade de vida de persoas con diversidade funcional. Este novo material será utilizado para traballar cos rapaces e rapazas que acoden ao centro e así achegarse un pouquiño mais ás novas tecnoloxías, cada vez mais importantes na nosa vida diaria.
Os feitos delituosos tiveron lugar o pasado día 20, cando a persoa investigada supostamente causou diversos danos a un vehículo estacionado no termo municipal de Meira. A súa propietaria ao observalo recriminoulle a acción, sendo agredida pola persoa investigada, á vez que a sometou a diversos insultos despectivos referentes ao seu lugar de orixe. As dilixencias policiais e a persoa investigada foron postas ao dispor da Autoridade Xudicial.
Contou coas actuacións de Cordenaia, Fol do Raxal, A Rebolaxe, Mistura, Coro se Cervo e Coral Terramar cun auditorio cheo na Casa da Cultura.
En total, a mostra reúne sete obras dos veciños e veciñas Carmen Rodríguez, Juan Pablo Docal, Nuria Ramos e Pilar Lorenzo, abarcando unha gran variedade de disciplinas, como a fotografía, a pintura ou o debuxo. Conta con entrada gratuíta e poderase visitar ata o próximo 8 de xaneiro en horario de 10:00 a 13:00 horas e de 16:00 a 19:00 horas.
Trátase de Mercedes Fernández. A alcaldesa, Dolores García Caramés, quixo felicitala en persoa e compartir uns intres con ela e a súa familia, e como mostra de agarimo entregoulle un ramo de flores.
A institución provincial colabora con este evento único, no que se inclúe un primeiro pase ás 18:00 horas e un segundo ás 20:00 horas, cunha achega económica de 3.500€.
