Como vén sendo habitual, a Agrupación Cultural Francisco Lanza agasalla cun marcapáxinas e un caravel a todas aquelas persoas que compren un libro en galego os próximos días 15, 16 e 17 deste mes de maio. É unha actividade que se leva a cabo en colaboración coas librarías da vila. O marcapáxinas contén unha imaxe de Ribadeo e un poema de Lois Pereiro, o homenaxeado este ano nas Letras Galegas.