Nota de prensa:
O PAVILLÓN MUNICIPAL DA VEIGA ACOLLERÁ O VINDEIRO FIN DE SEMANA A FASE FINAL DO CAMPIONATO PROVINCIAL DE FÚTBOL SALA EN IDADE ESCOLAR CATEGORÍA INFANTIL E A FASE PREVIA DA COPA DA MARIÑA DE FÚTBOL SALA EN IDADE ESCOLAR CATEGORÍA BENXAMÍN
Os responsables municipais presentaron hoxe ámbalas dúas competicións
Dende o Concello de Cervo apóstase polo fomento do deporte de base como medio de formación dos máis cativos
Cervo, 5 de maio de 2010.- O alcalde de Cervo, Alfonso Villares, e o concelleiro de Deportes, Rubén Fernández, presentaron hoxe no Concello a fase final do campionato provincial de Deporte Escolar de fútbol sala categoría infantil e a fase previa da Copa da Mariña de fútbol sala de Deporte en Idade Escolar na categoría benxamín.
Sábado: Fase final provincial categoría infantil
As finais provinciais do Programa “Xogade” -posto en marcha pola Secretaría Xeral para o Deporte a través da Delegación Territorial de Lugo e coa colaboración do Concello de Cervo- na súa modalidade de fútbol sala e categoría infantil darán comezo no pavillón da Veiga a partires das 11.00 da mañá.
O programa é o seguinte:
Campionatos Provincias De Deportes En Idade Escolar Lugo. Programa Xogade.
Dia 07/05/2011
Fútbol Sala. Finais Provinciais Infantil – San Cibrao – Cervo.
Horario de Mañá:
11:00: F.S. Burela “A” – Friol
12:00: EDM Chantada “A” – Fútbol Sala Burela “B”
Horario de Tarde:
16:00: 3º – 4º Posto.
17:00: Final
18:15: Entrega de Trofeos.
Esta é unha competición na que participaron un total de 524 nenos e nenas de toda a provincia ó longo dos últimos cinco meses e dela teñen saído rapaces que chegaron xa á División de Honra, caso de Xuxa, Óscar Iglesias ou Míguez.
Domingo: Fase previa da Copa da Mariña fútbol sala Benxamín
Ao día seguinte, domingo 8 de maio, o Pavillón Municipal de Deportes da Veiga acollerá a fase previa da Copa da Mariña de Fútbol sala de deporte en idade escolar na categoría benxamín.
Nesta competición participarán un total de 13 entidades:
P Covas A
Cidade de Viveiro
EDM Burela
E.D. Lourenzá
Burela B
Mondoñedo
Burela A
Santiago de Foz
P. Covas B
Xove
A Mariña
Pontenova
Cervo
As competicións darán comezo ás 9:30 da mañá e prolongaranse ata as 19:00 horas. Nesta fase previa clasifícanse o 1º de cada grupo para a fase final que se disputará en Burela o 21 de Maio.
Fomento do deporte de base
O alcalde e o concelleiro de Deportes de Cervo salientaron durante a presentación destes dous campionatos a importancia de fomentar este tipo de competicións “porque creemos que é moi importante potenciar a práctica do deporte de base non só na vertente competitiva, se non que é incluso aínda máis importante explotar a súa faceta como divertimento e de ferramenta que lles sirva aos máis cativos na súa formación e aprendizaxe en valores como a convivencia e o traballo en equipo” sinalaron.
Por último, valoraron moi positivamente que os organizadores destas dúas competicións escolleran Cervo para celebralas “porque iso demostra que dende o Concello estamos a traballar na boa liña e se nos ven a recoñecer o esforzo que estamos a facer nos últimos anos para potenciar a práctica do deporte de base entre os máis cativos” indicaron.
Ao redor das 18:30 está prevista a chegada de Melchor, Gaspar e Baltasar ao Porto Deportivo, desde onde serán trasladados por Protección Civil á Oficina de Turismo de Lagarea. No punto de atención turística estaranlle a esperar os paxes e as carrozas para iniciar a tradicional cabalgata, que terá o percorrido habitual de Avenida Escola de Gaitas, Penela, Rúa Eugenio López, Tres Farois e a Praza de Isabel II. Unha vez a comitiva real chegue á céntrica praza, a Casa do concello abrirá as súas portas para que os Reis Magos reciban aos nenos e nenas de Ortigueira no claustro e escoiten os seus últimos desexos.
Deuse a despedida ao ano 2024 e a benvida ao 2025.
A asociación Camiña adquiriu un ordenador de mesa grazas a subvención concendida pola Fundación ONCE, que apoia proxectos destinados a creación, remodelación e expansión de centros que promoven a atención e a mellora da calidade de vida de persoas con diversidade funcional. Este novo material será utilizado para traballar cos rapaces e rapazas que acoden ao centro e así achegarse un pouquiño mais ás novas tecnoloxías, cada vez mais importantes na nosa vida diaria.
Contou coas actuacións de Cordenaia, Fol do Raxal, A Rebolaxe, Mistura, Coro se Cervo e Coral Terramar cun auditorio cheo na Casa da Cultura.
En total, a mostra reúne sete obras dos veciños e veciñas Carmen Rodríguez, Juan Pablo Docal, Nuria Ramos e Pilar Lorenzo, abarcando unha gran variedade de disciplinas, como a fotografía, a pintura ou o debuxo. Conta con entrada gratuíta e poderase visitar ata o próximo 8 de xaneiro en horario de 10:00 a 13:00 horas e de 16:00 a 19:00 horas.
Trátase de Mercedes Fernández. A alcaldesa, Dolores García Caramés, quixo felicitala en persoa e compartir uns intres con ela e a súa familia, e como mostra de agarimo entregoulle un ramo de flores.
A institución provincial colabora con este evento único, no que se inclúe un primeiro pase ás 18:00 horas e un segundo ás 20:00 horas, cunha achega económica de 3.500€.
