Nota de prensa:
RAQUEL ARIAS INFORMA AOS ALCALDES QUE O ENLACE DA N-634 COA A-8
A TRAVÉS DA LU-153 FOI DECIDIDO UNILATERALMENTE POLO MINISTERIO DE FOMENTO, SEN RESPECTAR O ACORDADO COA XUNTA
* O executivo autonómico insta a Fomento a que retome o deseño consensuado para o enlace provisional da A-8 en Lourenzá a fin de non impedir o tránsito e a mobilidade dos usuarios habituais da LU-153
* No día de hoxe remitiuse comunicación dende o Departamento Territorial de Medio Ambiente, Territorio e Infraestruturas de Lugo ao Ministerio dando conta desta situación
Lourenzá, 8 de febreiro de 2011.- A Xunta de Galicia comunicou hoxe aos alcaldes de Lourenzá, O Valadouro e Alfoz que a conexión da A-8 coa estrada N-634 a través da LU-153 responde a unha decisión unilateral do Ministerio de Fomento na que non se respectou o acordado previamente coa Consellería de Medio Ambiente, Territorio e Infraestruturas.
A Xunta instou ao Ministerio de Fomento a recuperar o proxecto de enlace provisional da estrada N-634 coa A-8 en Lourenzá -a través da LU-153- que fora consensuado entre ambas institucións antes da posta en marcha do tramo, recuperando o carril eliminado no vial de conexión, habilitando a posibilidade do xiro á dereita no acceso da A-8 á estrada autonómica e procedendo á oportuna sinalización da saída cara a Alfoz e O Valadouro. Estas modificacións evitarían aos usuarios un rodeo de case 5 quilómetros.
Así o expuxo a delegada territorial, Raquel Arias, nunha reunión cos alcaldes afectados pola actuación, cos que coincidiu en que “resulta indispensable ofrecer unha resposta á vista dos numerosos problemas que causa a solución adoptada unilateralmente polo ministerio”.
Na xuntanza estiveron presentes os alcaldes de Lourenzá, Vidal Martínez Sierra; Alfoz, Emilio Lousas, e O Valadouro, Eulogio Fernández, entre outros representantes municipais. Por parte da Consellería de Medio Ambiente, Territorio e Infraestruturas acudiron tamén o xefe territorial, José María López Vega, e o xefe do Servizo de Infraestruturas, Gerardo Pallares.
A delegada explicoulles que, de acordo cos informes elaborados polos técnicos da consellería, a alternativa acordada en primeira instancia “era a máis axeitada, tendo en conta as intensidades de tráfico que rexistra a zona e especialmente os puntos nos que se ve afectada a estrada de titularidade autonómica LU-153”, que une Lourenzá e Masma (Mondoñedo).
O Departamento Territorial de Medio Ambiente, Territorio e Infraestruturas de Lugo remitiu unha comunicación ao Ministerio dando conta da situación e propoñendo a recuperación do proxecto anterior, que non contemplaba a polémica solución adoptada finalmente, a eliminación do carril esquerdo da LU-153 (en sentido Lourenzá), que está a provocar as queixas dos veciños e dos usuarios da estrada autonómica.
Así mesmo, informou aos asistentes das posibles alternativas suxeridas a Fomento polo Servizo de Infraestruturas da Delegación Territorial, que pasan por retomar a proposta inicial, sobre a premisa de que a situación actual “afecta gravemente aos usuarios da estrada autonómica, complicando especialmente o acceso aos veciños e veciñas da zona”.
Para elo sería necesario, segundo precisou a delegada, modificar a sinalización horizontal e vertical levada a cabo no punto de conexión, “e adoptar dúas medidas que, sen comprometer a seguridade do tráfico, evitarían os actuais problemas de mobilidade dos usuarios”.
A primeira pasa, explicou, por ampliar a visibilidade despexando e actuando sobre o noiro existente, e a segunda consiste en volver a dar prioridade ao tráfico que circula pola LU -153 fronte aos da N-634, que en todo caso practicamente se ven obrigados a deterse debido aos elementos redutores de velocidade instalados.
Arias confía en que o Ministerio sexa receptivo á proposta da Xunta, “que en realidade é a que nun primeiro momento se vía por parte de todos como a máis apropiada e que respecta os criterios de seguridade viaria á vez que atende o interese dos usuarios e dos veciños e veciñas afectados”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
