Nota de prensa
Os laranxas gañan (7-2) nun partido intenso e vibrante ante Andorra
Empezou ben o Burela FS con gol de Minu, no minuto 5, e pouco cabía presaxiar a pelexa que se desatou no remate do primeiro tempo logo do segundo do andaluz (2-0. Minuto 10). Pero os partidos de fútbol sala (e máis cando se xogan en Vista Alegre) teñen iso, que cando menos o esperas vólvense emocionantes e saltan chispas na pista, e fóra dela.
Ía o partido por sendas calmas cando o equipo rival lembrou que sen intensidade non ía sacar un triste puntiño do feudo burelao e empezou a repartir, coa intervención caótica dos árbitros e o conseguinte cabreo de Suso Rey, que case come a un deles cando encaraban xa a caseta. O gol de Aramburu (2-1. Minuto 17) intranquilizara os locais e de paso dáballes alas aos de Andorra.
Coa segunda parte seguiu a intensidade visitante, que tivo resposta inmediata grazas en parte ao esperanzador debut das novas incorporacións: Clebinho e Ique. Os brasileiros deixaron evidencias de que lles falta tempo para integrarse plenamente do conxunto, pero fixeron un grande encontro. O peche marcou un gol brillante no minuto 23 e Ique loitou con insistencia coa defensa rival e tivo un bo balance defensivo.
Pero se houbo un xogador que estivo estratosférico esta tarde foi Christian. Anotou un tanto importantísimo de falta directa, cando o partido transitaba pola corda frouxa e había certa incerteza na bancada (4-2. Minuto 28), e volveu marcar os tantos decisivos nos minutos finais (6-2 e 7-2, no minuto 34), co Andorra asediando a meta laranxa con porteiro-xogador. Antes, fixo Esteller a cabalgada do século pola banda e empalmou un remate espectacular que aínda está a buscar o meta visitante.
Gran triunfo do CD Burela FS ante un rival directo, que podía complicarlle a vida de xeito preocupante e non obstante saíu de Vista Alegre goleado. Así é o fútbol sala e máis cando se xoga na bomboneira.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
