Nota de prensa
Feijóo: “Coas Directrices de Ordenación do Territorio e o Plan de Ordenación do Litoral Galicia cumpre unha asignatura pendente, ter por primeira vez un marco normativo estable que ordene o territorio e protexa o litoral de forma efectiva”
*
Destaca que os obxectivos máis perentorios en materia de territorio están cumpridos antes da metade la lexislatura
*
Salienta que a Xunta ordena tres veces máis que na lei dos 500 metros e incrementa un 57% a área do litoral protexida
*
Remarca que os concellos, os organismos implicados e o Goberno central tiveron a oportunidade de participar e opinar na elaboración das DOT e do POL
*
Subliña que o Goberno galego contribúe a mellorar as facendas locais ao permitir por primeira vez que os 113 concellos beneficiarios do canon eólico perciban de xeito inmediato un anticipo do 90% do importe
Santiago, 10 de febreiro de 2011.- O presidente da Xunta, Alberto Núñez Feijóo, destacou hoxe que coa aprobación definitiva das Directrices de Ordenación do Territorio (DOT) e do Plan do Litoral (POL) Galicia cumpre unha asignatura pendente, dispor por primeira vez dunhas regras do xogo “claras e definidas”, dun marco normativo estable que ordene o territorio e protexa o litoral de forma efectiva.
Así o salientou o titular do Goberno galego tras a reunión do Consello da Xunta na que se autorizou de forma definitiva estes dous documentos, tras o informe favorable do Goberno de España. “Completamos a planificación territorial; os documentos que han de guiar a xestión territorial das próximas décadas, que van guiar a ordenación territorial de Galicia para o próximo medio século”, destacou Feijóo.
O presidente galego subliñou que as DOT e o POL eran documentos “inaprazables”. “Antes de que se cumpra a metade da lexislatura, os compromisos máis perentorios co territorio quedan finalizados”, manifestou o titular da Xunta, quen resaltou que Galicia “fixo os deberes” co obxectivo dun territorio sustentable, máis viable e máis forte.
Feijóo explicou que, con esta aprobación, a Xunta ordena 215.359 hectáreas, o 7,27% da superficie total de Galicia, “tres veces máis en hectáreas que a lei dos 500 metros xa derrogada”. “Preservamos 9.625 hectáreas fronte ás 6.135 da lexislatura anterior, incrementándose un 57% a área do litoral protexida”, engadiu.
O presidente galego subliñou a responsabilidade do Goberno da Xunta na elaboración das DOT e do POL: “Tiveron a oportunidade de participar e de opinar todos os concellos, os organismos implicados e o Goberno central”. “Creo que fixemos un bo traballo que pode quedar a disposición da sociedade civil e dos que nos precedan”, engadiu.
Apoio da Xunta aos concellos
O presidente galego destacou tamén a aprobación hoxe polo Consello da transferencia a 113 municipios galegos do importe recabado grazas ao canon eólico impulsado polo Goberno autonómico. “Seguimos cumprindo, dentro das nosas posibilidades económicas e financeiras, coas axudas imprescindibles para mellorar o financiamento local”, subliñou Feijóo, que, tendo en conta “o estado da tesourería local”, a diferenza do exercicio anterior, este ano os municipios poderán percibir “de maneira inmediata” un anticipo do 90% da contía que lles corresponde polo canon eólico.
O xefe do Goberno autonómico sinalou que dos 113 concellos galegos que percibirán o canon eólico, o 70 por cento son municipios que teñen instalados parques eólicos no seu ámbito territorial e o 30 por cento restantes se destinan a promover actividades relacionadas co medio ambiente noutros concellos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
