Nota de prensa
O Panificadora endosa un 0-7 a domicilio ao pechacancelas, Castrelo
Monólogo ribadense con vitoria fácil ante un Castrelo (0-7) que aínda non conseguiu nin un só punto nos 16 partidos xogados durante esta tempada e que tan só disparou á portería visitante en dúas ocasións durante todo o encontro.
Marta, en dúas ocasións, Elvira e Nuria subiron o 0-4 ao luminoso, resultado co que se chegou ao descanso. A continuación foi un calco da primeira parte e de novo Elvira, Fátima e María puxeron o 0-7 definitivo.
Este resultado obtido en Castrelo de Miño permítelle ao Panificadora del Eo-Ribadeo FS abandonar momentaneamente os postos de descenso e superar en dous puntos o seu rival máis directo, O Carballiño FSF, na loita pola permanencia en Autonómica.
As ribadenses non terán competición a próxima fin de semana; o partido correspondente a esta xornada, co Funeraria Apóstol de Santiago, xa foi disputado o 15 xaneiro.
Provincial feminina. O Xoula-Ribadeo FS segue mantendo a quinta posición logo de vencer por 2-1 o Outeiro de Rei, na Mariña o domingo.
Ficha técnica:
Panificadora del Eo-Ribadeo FS: Vanessa, Eva, Marta (2), María (1) e Fátima (1), cinco inicial; tamén xogaron Nuria (1), Sofía, Toñi e Elvira (2).
Castrelo FSF: María, Laura, Flavenice, Raquel e Ana, cinco inicial; tamén xogaron Mónica, Carla, Erika, Cristina e Andrea.
Árbitros: Miguel Nieto Iglesias e Cristian Rodríguez Melchor (cronometrador), da delegación de Ourense.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
