Nota de prensa:
REMATAN AS OBRAS DE REXENERACIÓN DOS ACCESOS Á PRAIA DE RUETA
* O alcalde, Alfonso Villares, e o responsable de Costas comprobaron hoxe os resultados desta actuación que foi solicitada polo gobernante local á visita
* O rexedor local solicitou esta actuación á daquela ministra Elena Espinosa, durante unha visita ao concello para comprobar os estragos das choivas torrenciais de xuño do pasado ano
* Os traballos consistiron na mellora dos accesos e na construción dunha escollera de pe de 65 metros de longo por 8 de altura
Cervo, 2 de febreiro de 2011.- O Alcalde de Cervo, Alfonso Villares, e o xefe provincial da Dirección Xeral de Sostenibilidad da Costa e do Mar do Minsiterio de Medio Ambiente, José Miguel Estevan Dols, comprobaron o resultado da obra de restablecemento e mellora dos accesos ao areal de Rueta, os cales permanecían seriamente danados e en situación precaria dende as choivas ocorridas a principios do pasado mes de xuño.
O rexedor lembrou que esta actuación fora unha das máis demandadas polo Goberno local aos representantes estatais tralo paso do fenómeno meteorolóxico que estragou varias infraestruturas neste concello. “O arranxo dos accesos a Rueta foi unha daquelas actuacións urxentes que lle solicitamos á ministra cando veu por aquí a mediados de xullo pasado para comprobar os estragos das choivas” indicou Villares; quen recordou que o estado no que se atopaba este areal “imposibilitaba enormemente o acceso aos usuarios e veciños que normalmente fan uso dela”.
As obras deron comezo o pasado mes de setembro e consistiron na ampliación do ancho dunha parte dos actuais accesos, para despois levar a cabo unha escollera de pe duns 65 metros lineais e unha altura media de 8 metros.
Ademais de comprobar o resultado das obras, o rexedor aproveitou a presencia do xefe provincial de Costas para solicitarlle unhas modificacións puntuais para mellorar esta actuación. “Concretamente fíxenlle saber [ao xefe de Costas] que sería beneficioso facer unha leve ampliación na parte final dos accesos rodados, para facilitar deste xeito o xiro aos vehículos que aquí se achegan” indicou.
Villares agradeceu ao representante provincial do Ministerio de Medio Ambiente estes traballos de emerxencia e recalcou que, a maiores desta actuación urxente, a praia de Rueta segue precisando mais investimentos estatais. “Estes traballos non cobren as necesidades que esta praia require e disto son coñecedores os responsables da administración estatal. Por iso, espero que en próximos presupostos podan incluír obras de investimentos programados para este areal emblemático do noso municipio; e non so adicarlle partidas puntuais de emerxencia” .
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
