Nota de prensa
O Barco Muralla de Lugo arriba en Burela esta fin de semana para iniciar un novo periplo pola provincia
– A embarcación da Deputación fondeará sábado e domingo na Praza do Concello para, nas vindeiras semanas, facelo en Chantada, O Incio e Antas de Ulla
– Logo de recibir a visita de 18.200 persoas durante 2010, a aula-turístico medioambiental prosegue a promocionar a riqueza da provincia
O Barco Muralla de Lugo da Deputación comezará en Burela a “surcar” de novo a provincia promocionando a costa lucense e a riqueza medioambiental das tres Reservas da Biosfera e O Courel. A aula turístico-medioambiental permanecerá fondeada na Praza do Concello da vila mariñana. O horario de atención ó publico será o seguinte: o sábado, 12:00 a 14:00 horas, e de 16:00 a 20:00 horas; e o domingo de 12:00 a 18:00 horas.
Logo de recibir a visita de 18.200 persoas durante o seu percorrido pola feiras e festas da provincia en 2010, e tras atracar en Burela, o Muralla de Lugo arribará nas vindeiras semanas en Chantada, coincidindo coa Feira do Viño, O Incio e Antas de Ulla.
O Barco Muralla de Lugo inclúese dentro de Lug02, o programa medioambiental do organismo provincial dotado de 5 millóns de euros, co-financiado nun 70% pola Unión Europea. Foi construído por unha empresa de Burela e pintada en Viveiro. Está totalmente ambientado como as embarcacións mariñanas e as súas cores son vermello e azul marino, seguindo a simboloxía heráldica da Deputación, e verde, segundo as cores de Lug02 e do medio natural.
O seu interior está dotado con ordenadores, todo tipo de información medioambiental, así como mobiliario e material náutico que cederon na súa totalidade e de maneira gratuíta as confrarías de pescadores da Mariña e o Concello de Viveiro, ós que se lles adica unha praca de agradecemento. Nas localidades nas que recala distribúense dípticos das Reservas da Biosfera, material didáctico, información empresarial e de bolsas de estudos, ademais de vídeos da provincia elaborados polos alumnos da Fundación TIC, dependente do organismo provincial.
A nave pesa 3.500 quilos e ten unha dimensión exterior de 12 metros de longo e 5 de alto. Conta cunha parte expositiva con capacidade para 40 paneis de fotografías, nas que se atopa unha sección de imaxes cedidas pola asociación “Terra de Viveiro”, entre as que destaca a fotografía máis antiga que se conserva no porto vivariense.
Aulas de interpretación da natureza
Como complemento á actividade da embarcación, o organismo provincial puxo en marcha tamén o ano pasado tres aulas móviles de interpretación da natureza, centradas na Montaña, Terra Chá e A Mariña, que percorren os concellos co obxectivo de fomentala sensibilización medioambiental a través de accións divulgativas e educativas da cidadanía en xeral e dos escolares en particular. Nesta segunda tempada, as aulas móviles iniciarán a súa actividade a vindeira semana, na que percorrerán dez concellos das comarcas da Terra Chá e da Montaña. Deste xeito, o luns estarán en Cospeito e Navia; o martes, en Friol e o Corgo; o mércores, en Guntín e Castro de Rei; o xoves, en Muras e Negueira de Muñiz, e o venres, en Outeiro de Rei e A Fonsagrada.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
