Nota de prensa
CERVO ESTUDA COS EMPRESARIOS DA MADEIRA A PROMOCIÓN DE INICIATIVAS QUE MELLOREN O DESENVOLVEMENTO AXEITADO DESTA ACTIVIDADE NO MUNICIPIO
* O alcalde, Alfonso Villares, reuniuse este mediodía cos responsables da Asociación de Empresarios da 1ª Transformación da Madeira da provincia
* Entre os temas que trataron na xuntanza figura a posibilidade de realizar parques para o depósito de madeira en distintos puntos do termo municipal
Cervo, 1 de febreiro de 2011.- O Alcalde de Cervo, Alfonso Villares, reuniuse este mediodía no consistorio cos representantes da Asociación de Empresarios da 1ª Transformación da Madeira de Lugo. Segundo indicou o rexedor, o obxecto da xuntanza é continuar profundando na liña de colaboración marcada polo convenio subscrito hai dous anos entre Concello e madeireiros mediante o cal se garante a conservación e o bo uso das vías, servizos e accesos de titularidade municipal no proceso dos aproveitamentos forestais do monte.
Depósitos de madeira
“Agora, o que pretendemos é ir un paso máis adiante e tratar de fixar unha ordenación racional e axeitada dos aproveitamentos forestais que se realizan a través das infraestruturas de titularidade municipal” indicou Villares. Entre os temas tratados falouse da posibilidade de realizar parques para o depósito de madeira en distintos puntos do termo municipal. “Serían lugares elixidos nas parroquias do rural que se habilitarían para a carga e descarga da madeira. Para isto barallamos a posibilidade de reutilizar os distintos tramos que existen en varias estradas do noso municipio que poderían ter quedado en desuso a causa de melloras e cambios no seu trazado; así como algúns terreos baldíos que sexan de titularidade municipal” dixo o alcalde.
Unha vez se teña feito a valoración dos lugares máis idóneos para ubicar os puntos de depósito de madeira, a asociación provincial de madeireiros se faría cargo do seu mantemento e seguiría garantindo o bo uso e o estado das estradas públicas polas que traballan os seus vehículos. “O que pretendemos dende o Concello é velar pola compatibilidade dunha actividade moi importante para o nosos municipio, como é a da extracción de madeira dos nosos montes, co bo estado das nosas pistas forestais e estradas municipais” recalcou Villares.
Colaboración estreita
O Concello de Cervo ten un acordo dende o ano 2009 coa asociación provincial de empresas madeireiras que traballan habitualmente no termino municipal mediante o cal os madeireiros se comprometen a reparar os danos que causen nas vías de titularidade municipal que sexan derivados da súa actividade.
Grazas a este acordo protocolízanse as relacións que teñen as empresas madeireiras co Concello de Cervo. Deste xeito, deben solicitar unha licenza de traballo nas oficinas municipais na que ten que figurar o permiso de corta. O Concello, rematados os traballos de aproveitamento, procede a comprobar o bo uso dos servizos e vías municipais mediante a expedición e sinatura dun documento acreditativo, sempre en presenza dun titular da empresa madeireira. De terse producidos danos directamente imputables á empresa ou ao propietario nos bens do concello notifícaselle á empresa para que proceda a reparalos. Do mesmo, xeito, ao remate do prazo comprobarase polo concello a adecuada restitución dos bens ao seu correcto estado, dándose, de ser deste xeito, por concluído o expediente.
Vixilancia
A este respecto o rexedor recoñeceu que nalgúns casos a restitución das estradas pode demorarse máis do desexable, sobre todo na época de choivas; se ben dende o Concello se procura que o seu arranxo se faga o máis rápido posible. “Entendemos que algunhas veces se poidan recibir no Concello queixas dos veciños, pero tamén somos conscientes de que hai certos condicionantes que alongan as labores de reposición das pistas. Aínda así, o Concello -a través da Policía Municipal- vixía regularmente para que o aproveitamento dos montes se desenvolva de conformidade aos criterios actuais de sustentabilidade” indicou.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
