Nota e prensa
Lugo recibe por primeira vez no norte de España as obras
do máximo expoñente europeo en vidro
– Trátase de Markku Salo, deseñador con traballos expostos no Corning Museum of Glass de Nova York, Victoria&Albert de Londres, ou no Museo Nacional de Estocolmo
– Lara Méndez presentou “Vientos del Norte”, a nova exposición do CENTRAD que acolle a Capela de Santa María dende o 17 de febreiro ó 27 de marzo
A Vicepresidenta Segunda da Deputación, Lara Méndez, presentou este mércores a nova exposición que organiza o Centro de Artesanía e Deseño -CENTRAD- na provincia. Trátase de “Vientos del Norte”, unha mostra de 20 pezas de vidro do máximo expoñente contemporáneo deste arte en Europa: Markku Salo. A Capela de Santa María convértese en escenario dunha exposición sen precedente no norte peninsular dende o 17 de febreiro ata o 27 de marzo.
Lara Méndez, que estivo acompañada do propio artista, destacou que “logo do éxito acadado coa internacional exposición Leonardo da Vinci y la Música que visitaron máis de 5.000 persoas, a Deputación logra que Lugo sexa unha vez máis un referente cultural, traendo por primeira vez ó norte do país, os traballos dun deseñador que está presente nas salas máis prestixiosas do mundo: Corning Museum of Glass de Nova York, Victoria and Albert Museum de Londres, ou no Museo Nacional de Estocolmo. Levamos 3 anos apostando por este arte incluíndo na nosa programación de obradoiros xornadas coas que os nosos artesáns elaboran pezas de vidro segundo as últimas técnicas. Queremos reforzar o traballo dos nosos profesionais, amosando con este mostra as posibilidades artísticas e económicas deste arte. Markku Salo é exemplo delo, un artista que comezou deseñando televisores e que hoxe é un icono artístico a nivel mundial, ademais dun sinalado empresario na industria vidreira”.
Traxectoria profesional
Este “escultor de vidro” de orixe finlandés iniciou os seus estudos na Universidade de Arte e Deseño de Helsinki. Recén licenciado en deseño industrial, en 1979 comezou a súa carreira profesional deseñando produtos electrónicos ata que, en 1983, foi contratado na factoría de vidro máis antiga de Finlandia: Nuutajarvi. Durante este período, Salo logrou combinar a fabricación de habituais pezas de vidro, coa labor artesanal, o deseño, e as novas tecnoloxías. Logo de recibir en 1989 o Premio Estatal de Deseño, sucedéronse os galardóns nacionais como o de Estado de Finlandia para Artes Aplicadas e Industriais, e os Internacionais como o Georg Jensen ó deseño nórdico.
As súas obras están en museos de todo o mundo: Corning Museum of Glass de Nova York, Victoria and Albert Museum de Londres, ou no Museo Nacional de Estocolmo. Ademais, tamén forma parte de emblemáticas firmas como Hcakman, Iittala ou Aarikka. Actualmente, aínda que é coñecido sobre todo pola súa faceta artística, ten a súa propia gama de fabricación de produtos baixo a marca Markku Salo, e a súa propia compañía industrial: Muotohuone Oy.
“Vientos del Norte”
“Vientos del Norte” chega a Lugo logo de estar presente exclusivamente en dous centros máis en España: no Museo da Real Fábrica de Cristais de La Granja, en Segovia, e no Museo de Arte en Vidro de Madrid. A mostra está composta polas últimas creación do artista, así como das de máis renome. É o caso da “Amazona 1991”, unha obra en forma de vestido, de 2,5 metro de alto, composta de vidro fundido en molde e soprada ó aire sobre armazón metálico. Todas as pezas son diferentes xa que Markku Salo non quixo caer en ningunha técnica específica senón que as emprega libremente como medio de expresión. Deste xeito, xoga coas texturas de superficies, calidades, cor, transparencias e as formas do vidro que combina con outros materiais como madeira, metal, pedra, ou o plástico.
Conferencia e inauguración
Markku Salo ofrecerá unha conferencia este xoves, ás 18:30 horas, no Salón de Actos da Deputación na que abordará sobre as posibilidades económicas do deseño de vidro. A continuación, ás 20:30 horas, o Presidente da Deputación, José Ramón Gómez Besteiro, inaugurará “Vientos del Norte”. Ademais de Gómez Besteiro, Lara Méndez e Salo, no acto está prevista a asistencia do Embaixador de Finlandia en España, Markku Keinanen, así como o Director do Instituto Iberoamericano de Finlandia, Martti Parssinen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
