Comeza o “III Encontro de banda deseñada na Mariña” no I.E.S. Perdouro en Burela

Nota de prensa

O pasado martes tivo lugar no I.E.S. Perdouro a presentación dos III Encontros de Banda Deseñada na Mariña. Nun acto informal serviuse  chocolate con pastas e deuse a coñecer o nome do gañador do concurso de cartaz para estes III Encontros: Pedro Díaz Díez, alumno do IES Monte Castelo.

Ademais presentouse a publicación da Revista Banda Desexada dos II Encontros (2010) que recompila as tiras creadas polos gañadores do concurso celebrado no curso pasado.

Fixouse un avance da programación de actividades dos III Encontros que se levarán a cabo durante o curso até o mes de abril. Entre estas actividades haberá varios obradoiros para o alumnado e proxeccións de películas de animación. En breve, sairá publicado o díptico coa programación definitiva das actividades.

O remate do acto, entregáronse aos asistentes uns marcapáxinas e a revista Banda Desexada.