Nota de prensa:
ABERTA A INSCRICIÓN PARA PARTICIPAR NO DESFILE “ANTROIDO 2011” EN XOVE
O Concello de Xove, a través da Concellería de Cultura, pon en marcha unha nova edición do DESFILE DE ANTROIDO para este ano 2011, o cal vai percorrer distintas rúas de Xove o SÁBADO 5 DE MARZO a partires das 5 da tarde.
As Bases deste ano siguen a mesma liña do pasado ano, pero temos algunhas modificacións que realizamos co fin de mellorar o desfile e a participación no mesmo. Este ano a categoría de “parellas” amplíase e pasa a ser “parellas e grupos de ata 4 persoas”. Tamén a categoría de “comparsas e grupos” do pasado ano convírtese neste ano en “comparsas e grupos de máis de 4 persoas”. As restantes categorías (Individual Infantil, Individual Adultos e Carrozas) quedan igual. Tampouco varían as contías dos premios.
O período de inscrición xa está aberto, e a mesma hai que realizala en:
-Concello de Xove, oficina do Técnico de Cultura (horario de oficina de 8:30 a 15:00 horas) ata o venres 4 DE MARZO incluido, ou ben, chamando por teléfono ao Concello.
-O mesmo día do desfile (5 DE MARZO) no punto de saída ubicado na Nave-almacén situada ao carón do Campo Municipal de Fútbol, dende as 15:00 ata as 16:30 horas. Dende as 16:30 ata as 17.00 horas non se permitirá ningunha anotación máis, e só se poderán recoller os dorsais daqueles que se inscribiran con anterioridade via telefónica ou presencial.
O Concello ten previsto que tódolos/as participantes a nivel individual, como parella, comparsa/grupo ou carroza que se houberan inscrito previamente no desfile (antes do 5 DE MARZO) reciban un agasallo de parte da Organización. Os/as que se inscriban o mesmo día do desfile non terán dereito a este agasallo. O agasallo se lles entregará ao final do Desfile, dentro do Pavillón de Deportes, entregando o ticket facilitado previamente pola Organización.
BASES DO DESFILE “ANTROIDO 2011” EN XOVE
-DESFILE E PERCORRIDO.- O desfile vai ter lugar o SÁBADO, 5 DE MARZO ÁS 17:00 HORAS (5 da tarde). O PERCORRIDO do mesmo vai ser: saída do Campo de Fútbol, pasando por diante do IES Illa de Sarón e do Pedro Caselles ata sair á Avenida Deputación, continuamos pola Avda. Deputación ata desviarnos á dereita por Doutor Baamonde Illade, cortamos polo Camiño Real e chegamos ao Centro Cívico. Os/as participantes (carrozas, comparsas, grupos, etc.) durante o desfile só poderán ocupar un carril no desfile, dahí que a montaxe que presenten non pode exceder do ancho dun carril normal.
-INSCRICIÓN.- Hai que realizala en:
-Concello de Xove, oficina do Técnico de Cultura (horario de oficina de 8:30 a 15:00 horas) ata o venres 4 de marzo incluido.
-O mesmo día do desfile (5 de marzo) no punto de saída ubicado na Nave-almacén situada ao carón do Campo Municipal de Fútbol, dende as 15:00 ata as 16:30 horas. Dende as 16:30 ata as 17.00 horas non se permitirá ningunha anotación máis, e só se poderán recoller os dorsais daqueles que se inscribiran con anterioridade via telefónica ou presencial.
-NORMAS DO DESFILE:
-A organización facilitará un dorsal a cada participante ou grupo de participantes, o cal será obrigatorio levar durante o Desfile para que o Xurado poida realizar a súa laboura con axilidade e comodidade. É importante gardar a orde de saída durante todo o desfile, deixando unha distancia prudente entre o anterior e o posterior.
-Prégase puntualidade a tódolos participantes co fin de facilitar a organización do Desfile; o retraso poderá ser causa de descalificación, sendo o Xurado o encargado de tomar este tipo de decisións.
-Poderanse levar animais ao Desfile sempre que non representen un perigo para o público e participantes; en ningún caso se permitirá ningún tipo de maltrato aos animais, podendo o Xurado tomar medidas ao respecto, mesmo descalificar.
-Cada participante será responsable dos danos que poida ocasionar a terceiras persoas.
-Sen renunciar á crítica e á sátira propias destas datas, a organización non permitirá representacións de carácter obsceno, que poidan ferir a sensibilidade dos espectadores, tendo en conta tamén que a estes desfiles, ademáis de ser actos totalmente públicos, soen acudir moitos nenos.
-ENTREGA DE PREMIOS.- O mesmo día do Desfile, no Pavillón de Deportes, nun descanso das orquestras, farase entrega aos gañadores (agás os individuais infantís) dun cheque-regalo que poderán facer efectivo nas dependencias do Concello (Tesourería Municipal) dentro do prazo dos 15 días seguintes ao da entrega. Non obstante, para a percepción do cheque-regalo será obrigatorio levar postos os disfraces. Os premios individuais infantís entregaranse nun descanso do Baile Infantil que se vai celebrar no Pavillón de Deportes.
-AGASALLOS: Tódolos/as participantes a nivel individual, como parella, comparsa/grupo ou carroza que se houberan inscrito previamente no desfile (antes do 5 de marzo) recibirán un pequeno agasallo de parte da Organización. Os/as que se inscriban o mesmo día do desfile non terán dereito a este agasallo. O agasallo se lles entregará ao final do Desfile, dentro do Pavillón de Deportes, entregando o ticket facilitado previamente pola Organización
A inscrición e participación neste Desfile implica a aceptación das presentes normas incluidas nestas Bases. A organización resérvase o dereito de calquer modificación que por forza maior se vira obrigada a efectuar.
CONCURSO “DESFILE ENTROIDO 2011” EN XOVE.
MODALIDADES DE PREMIOS (*).
CARROZAS:
1º Premio: 500
2º Premio: 300
3º Premio: 200
4º Premio: 100
COMPARSAS E GRUPOS DE MÁIS DE 4 PERSOAS:
1º Premio: 300
2º Premio: 250
3º Premio: 150
4º Premio: 80
PARELLAS E GRUPOS DE ATA 4 PERSOAS:
1º Premio: 110
2º Premio: 80
3º Premio: 50
4º Premio: 30
INDIVIDUAIS ADULTOS:
1º Premio: 60
2º Premio: 45
3º Premio: 30
4º Premio: 20
INDIVIDUAIS INFANTIL:
1º Premio: 40
2º Premio: 30
3º Premio: 20
4º Premio: 10
(*) Os premios son en contía líquida, a percibir polo gañador, aplicándose a retención do IRPF de 18% só cando o premio supere os 300 €uros, co que se vería afectado únicamente o 1º premio de carrozas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
