Nota de prensa:
Os obradoiros do CENTRAD atraen a persoas de toda Galicia, Asturias, León e Madrid
– Os 18 cursos ofertados este inverno terán 136 participantes, ó cubrirse todas as prazas dispoñibles. Na maioría das xornadas quedaron demandantes en lista de espera
– O Centro de Artesanía e Deseño da Deputación iniciou hoxe un obradoiro de cestaría tradicional galega, un dos máis consolidados da súa programación
A programación de obradoiros organizada para este ano polo Centro de Artesanía e Deseño (CENTRAD) da Deputación, atrae a persoas procedentes non soamente de toda a provincia lucense, senón do resto de Galicia, así como de Asturias e Castela e León, e ata incluso de Madrid. A través desta iniciativa, o organismo provincial busca impulsar este sector, xerar riqueza na provincia e novas oportunidades laborais.
A aceptación dos obradoiros, tanto entre os artesáns, como entre o público en xeral interesado nesta materia, queda reflectida en que, nos 18 ofertados este inverno, se cubriron as prazas dispoñibles en todos os casos, o que supón que participarán 136 persoas, e na maioría deles incluso quedaron demandantes na reserva. Precisamente, en 2011 incrementouse nun 10% o número de xornadas formativas con respecto ó ano pasado, precisamente por ese aluvión de solicitudes. A Deputación conseguiu que o CENTRAD sexa o centro de Galicia que máis cursos ofrece nesta materia, no marco da súa aposta por potenciar un sector que considera unha verdadeira oportunidade económica e laboral para a provincia que hai que aproveitar.
A oferta para esta tempada consta de 74 obradoiros, 18 este inverno, que comezaron a impartirse a mediados do mes de xaneiro. Neste senso, hoxe iniciouse un novo curso, de “Cestaría Tradicional Galega”, un dos máis consolidados no programa do CENTRAD. As clases impartiranse ata o 25 de febreiro, de 16:00 a 20:00 horas. Os oito participantes, que cobren a cota de prazas dispoñibles, elaborarán tres tipos de pezas fundamentais na cestaría galega de vimbio seguindo as técnicas tradicionais: paxes, canistrelos e cabazos. Polo demais, ata abril daranse máis cursos de cestaría, ademais de xoiaría, cerámica, coiro, téxtil, artes do libro, deseño, fotografía e pedra.
Xornadas en Bonxe e Cervo
Por primeira vez e ante a petición dos solicitantes, neste 2011 celebraranse xornadas formativas fóra das instalacións do CENTRAD co obxectivo de facilitar o seu acceso. En marzo, levaranse as primeiras a Bonxe e a Cervo. No primeiro caso, realizarase un curso de oleiría e, no segundo, de coiro. Os escenarios serán os talleres dos recoñecidos artesáns Vidal Revilla e Josefa Lombao.
Para os escolares
O Centro de Artesanía e Deseño da Deputación continúa por outra banda cos obradoiros portátiles nos centros educativos da provincia, nos que nesta tempada participarán 740 alumnos de 38 colexios e institutos. Así, esta semana impartiranse xornadas de cestaría nos institutos de Quiroga e A Pinguela de Monforte, e no colexio Pedro Caselles Rollán de Xove; no IES quirogués tamén haberá clases de encadernación; no colexio La Aneja de Lugo, os alumnos recibirán nocións sobre técnicas para a fabricación de papel; no CEIP de Cervo desenvolverase un curso de instrumentos musicais; nos colexios o Salvador de A Pastoriza e Dr. López Suárez de Friol, de monicreques; e en Nuestra Señora Asunción de Sarria, de tapiz.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
