Nota de prensa:
VILLARES DI QUE A CONSTRUCIÓN DA RESIDENCIA DE SAN CIPRIÁN VEN A MATERIALIZAR O COMPROMISO ADQUIRIDO POLO GOBERNO LOCAL COS VECIÑOS DO MUNICIPIO
* A conselleira de Traballo, Beatriz Mato, presideu o acto de colocación da primeira pedra desta infraestrutura que disporá de 53 prazas residenciais e 25 prazas de centro de día.
Cervo, 2 de febreiro de 2011.- O Alcalde de Cervo, Alfonso Villares, amosou a súa satisfacción polo inicio dos traballos de construción da futura residencia Residencia-Centro de Día de San Ciprián e destacou a importancia que suporá para o municipio esta infraestrutura de carácter asistencial cuxas obras comezaron hoxe co acto de colocación da primeira pedra por parte da conselleira de Traballo e Benestar Social, Beatriz Mato.
O rexedor destacou o emprazamento elixido na avenida da Veiga para a edificación da futura residencia, “en pleno casco urbano preto do centro de Saúde e con vistas ao mar”indicou. Así mesmo puntualizou que, aínda que o solar estaba destinado orixinariamente como a solo dotacional para instalacións deportivas, dende o Goberno local decantáronse por esta finca porque as necesidades de solo para instalacións deportivas estaban cubertas coa recente adquisición por parte do Concello de 14.000 metros cadrados no polígono de Cuíña para esta finalidade. “Por iso, consideramos oportuno e necesario ubicar este edificio neste punto” recalcou Villares.
Un proxecto ambicioso
O alcalde tamén fixo referencia ás dimensións desta nova infraestrutura e lembrou que se trata dun proxecto “ambicioso” que disporá de 53 prazas para residentes e 25 máis para o Centro de Día. “As características do proxecto condicionounos a ter que dispoñer para a Xunta dun terreo de dimensións importantes se queríamos levar adiante unha infraestrutura desta envergadura. Para facernos unha idea, a superficie construída desta nova residencia será o dobre da superficie que tiñan as instalacións educativas do antigo colexio Rivera Casás, as cales rondaban os 1.500 metros cadrados” sinalou o primeiro edil.
Por outra banda, dixo tamén que a realización desta residencia é unha satisfacción tanto para el, como para o resto de compañeiros do grupo de Goberno local “porque se trata da materialización dun dos principais compromisos adquiridos coa nosa cidadanía que agora se fai realidade grazas á axuda dun goberno autonómico receptivo aos nosos problemas e necesidades como é o presidido por Alberto Núñez Feijoo e do que tamén forma parte dona Beatriz Mato”.
Neste sentido o rexedor local salientou o apoio amosado dende a Xunta para levar adiante este proxecto. “Dende o primeiro momento os responsables autonómicos foron tremendamente receptivos á nosa demanda; a pesares da complicada conxuntura económica pola que estamos a pasar. E por iso, é preciso reiterarlle á conselleira de Traballo o noso agradecemento á Xunta de Galicia por este esforzo e compromiso cos veciños e veciñas de Cervo”recalcou.
Características
A nova residencia ten un presuposto de execución de 1.996.000 euros. Construirase nun terreo de titularidade municipal situado na zona da Veiga entre o pavillón de deportes e o estadio municipal. Terá unha superficie total construída de máis de 3.000 metros cadrados distribuídos en cinco andares: semisoto, planta baixa e tres plantas altas (nas que irán destinadas á área habitacional da residencia).
Na planta baixa ubicarase a entrada principal e os servizos administrativos do centro, así como a zona de consulta médica e de rehabilitación, ademais dunha pequena zona de servizos e unha sala de actividades varias destinada ao centro de día. No semisoto irán ubicados os distintos departamentos de servizos da residencia (cociña, lavandería, almacéns, vestiarios de persoal, etc…). O semisoto tamén se destinará para ubicar na súa parte traseira o comedor e a sala de estar común; os cales terán acceso a un xardín e a unha área de esparexemento.
En cada unha das tres plantas altas, de carácter residencial, distribuiranse as distintas habitacións ademais, de zonas de estar, enfermería e zonas de control, aseos, e servizos.
No concello de Cervo existen actualmente un total de 1.193 residentes maiores de 60 anos, potenciais usuarios deste servizo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
