Nota de prensa:
Besteiro e Farjas pechan en máis de 20M€ o pago da débeda da Xunta á Deputación pola xestión dos hospitais
– O Presidente e a Conselleira asinan un convenio que establece que a Xunta debe pagar a débeda adquirida dende o 1 de xaneiro de 2005 ó 31 de decembro de 2010 en 6 anos
– A maiores, o Goberno galego terá que aboar 24,87 euros ó día por cada doente que continúe nas instalacións provinciais dende o pasado 1 de xaneiro
– Malia que nesta data se produciu a transferencia dos traballadores e doentes dos hospitais ó SERGAS, no San José seguen activas as unidades de Mamografía, Saúde Mental, Centro de Día, Radioloxía e Doación de Sangue; e no San Rafael permanecen os 164 pacientes
O Presidente da Deputación, José Ramón Gómez Besteiro, e a Conselleira de Sanidade, Pilar Farjas, asinaron este martes un convenio de colaboración para pór fin a débeda contraída pola Xunta coa Deputación pola xestión dos hospitais San José e San Rafael. Besteiro e Farjas acordaron deste xeito que a cantidade que o Goberno galego adebeda ó organismo provincial dende o 1 de xaneiro de 2005 ó 31 de decembro de 2010, período pendente de cobro, ascende a 20.027.974 euros. Gómez Besteiro salientou que “na Deputación aunamos cabeza e corazón. Cabeza porque cumprimos a folla de ruta deste equipo de Goberno, así como un dos nosos compromisos políticos do mandato xa que a Lugo deixa de ser a derradeira Deputación de España con Hospitais. Corazón porque entendemos que o desaloxo de San José e San Rafael vai ser progresivo, e o organismo provincial lucense, que entende esta situación, terá sensibilidade no proceso”.
O importe satisfarase en 6 anualidades, realizarase no primeiro trimestre de cada ano, e distribuirase deste xeito: 2.500.000 euros en 2011; 2.500.000 euros en 2012; 3.756.993 euros en 2013, 3.756.993 euros en 2014; 3.756.993 euros en 2015; e 3.756.993 euros en 2016.
Desglose das contas
A Comisión Técnica formada por membros de ambas as dúas administracións, logo de acordar o protocolo marco que guiou o proceso de transferencia dos centros sanitarios lucenses ó SERGAS, tivo en conta os seguintes custos económicos para establecer a cantidade que a Xunta debe aboar á Deputación:
1.- As liquidacións practicadas ó Servizo Galego de Saúde dende o 1 de xaneiro de 2005 ó 31 de decembro de 2009 que estaban pendentes de pago é dicir, os 19.824.886 euros que lles custaron á Deputación os 207 traballadores de San José e San Rafael, así como o mantemento dos inmobles e servizos prestados durante dito prazo.
2.- Os xuros de demora devengados por esta débeda que suman 2.947.417 euros.
3.- A liquidación da facturación de 2010 coa tarifa de 49,75 euros por día que suma un total de 2.015.200 euros. Esta cifra representa o custe das atencións ós doentes durante a súa estancia nas instalacións provinciais dende o 1 de xaneiro de 2010 ó 31 de decembro de 2010.
A este importe resultante, 25.687.503 euros, hai que descontarlle:
1.- O superávit producido no Hospital San José no período 2005-2010 polo exceso da participación no Fondo de Asistencia Sanitaria Estatal sobre os gastos totais do hospital é dicir, 9.076.170 euros que o organismo provincial debe devolver ó Ministerio de Sanidade. Tratase dunha parte da aportación realizada polo Goberno de España dende 2005 para que os organismos que xestionan hospitais non psiquiátricos paguen ó persoal sanitario.
2.-A valoración dos inmobles dos dous centros sanitarios que non son obxecto de traspaso e que, segundo o pactado entre as partes, cífrase en 7.000.000 euros.
Á cantidade resultante, 9.611,334 euros, hai que engadirlle os 10.416.640 euros que o Servizo Galego de Saúde ten que satisfacer á Deputación en 2011, derivados dos compromisos adquiridos no convenio formalizado o 28 de xullo de 2005 para a cancelación de liquidación pendente ata o 31 de decembro de 2004. Isto supón, que a Xunta debe compensar ó organismo provincial un total de 20.027.974 euros.
24,87 euros, nova tarifa 2011
Deputación e Xunta acordaron ademais que o Goberno galego terá que pagar o 50% da tarifa establecida por ambas partes polos servizos prestados ós doentes que continúen nas instalacións provinciais logo do 1 de xaneiro de 2011, data na que se fixo efectiva a transferencia dos centros sanitarios lucenses ó SERGAS. Esta cantidade pasa de 49,75 euros por día, a 24,87 euros por día, porque o organismo provincial xa non se fai cargo dos gastos do persoal sanitario, senón só do mantemento dos inmobles. Trátase dunha cifra fixada durante un período máximo de 6 meses. Logo deste prazo, o Servizo Galego de Saúde tería que pagar as facturas presentadas pola Deputación que derivasen da ocupación dos edificios. Na actualidade, o Executivo galego mantén activas no San José as unidades de Mamografía, Saúde Mental, Centro de Día, Radioloxía e Doación de Sangue. Mentres, no San Rafael permanecen todos os pacientes: 164 persoas que sofren patoloxías psiquiátricas de longa estancia e que, segundo as previsións de Sanidade, proximamente serán levadas a Calde.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
