Nota de prensa:
O GMPP reitera a ausencia de policía municipal durante as festas de Nadal.
Un atestado dun accidente tivo que facerse para o día seguinte por ausencia de policía local.
Os populares pídenlle ó alcalde que non engane ós cidadáns.
O Grupo Municipal do Partido Popular (GMPP) de Burela reiterou hoxe as súas afirmacións sobre a desorganización da policía local burelesa durante as festas de Nadal, engadindo máis datos que a xuizo dos populares corroboran o manifestado e que poñen en entredito a capacidade do alcalde para decir a verdade.
Os casos que cita o PP son elocuentes: existe un escrito no rexistro do concello cunha denuncia dunha veciña da zona de O Campón que solicitou a presencia da policía municipal durante unha madrugada do fin de semana de entrada de ano para que se lle realizara unha medición de ruído ocasionado por un local nocturno; pois ben, o policía que atende o telefono dille á veciña que non pode ir porque está el solo de turno, cando os fins de semana habitualmente hai dous policías municipais polas noites.
Outro caso: o alcalde asina escritos a determinados veciños para comunicarlles día e hora no que se vai a proceder a realizar unha serie de medicións de ruídos en certos pisos a raiz dunha orde xudicial. Tal medición non se puído facer porque nese turno non había nin un só policía de servicio.
Terceiro caso: durante estas festas de Nadal, prodúcese un accidente de tráfico no casco urbano de Burela. Os implicados chaman á policía municipal, que non contesta; á vista da ausencia de resposta, chaman á Guardia Civil, que lles indica que segundo o estipulado na lexislación vixente eles non podem levantar atestados de accidentes de tráfico no casco urbano. O atestado tén que agardar para a mañán do día seguinte, agora si coa presencia dun membro da policía local. Esta situación deuse alomenos outra vez máis durante estas festas de Nadal.
Cuarto caso: o pasado martes, día once, no turno de mañán, non había nin un só policía de servicio.
Para os populares, a conclusión é evidente: unha de tres, ou o alcalde non se entera; ou o alcalde engana á xente, ou como non se entera de nada pretende enganar á xente.
Os populares consideran que o camiño máis corto que tén o alcalde é recoñecer o que é evidente, e que coñecen todos os veciños e veciñas deste concello: que durante estas festas, e ainda agora, hai turnos da policía municipal que non se cumplen ou están incompletos, e que non se levou a cabo ningunha reestructuración do servicio polo pasotismo do alcalde, que non quere recoñecer, insistimos, o que é evidente. Ninguén lle nega ós funcionários e traballadores o seu dereito a estar de baixa, solo faltaría, nin a disfrutar dos días libres que legalmente lles poidan corresponder. Pero o que si é innegable é a incapacidade do alcalde para organizar os turnos da policía local de forma e maneira que se atendan debidamente aqueles turnos que se consideran máis sensibles, ainda que outros, os menos complexos, poideran quedar vacíos.
E Burela non se merece un alcalde que engana, que pretende escapar da realidade e que é absolutamente incapaz de asumir ningunha das súas responsabilidades: a culpa sempre é dos demais, nunca del.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
