Nota de prensa:
OS BURELAOS ARRINCAN A SEGUNDA VOLTA ANTE UN PECHACANCELAS SORPRENDENTE
Os burelaos arrincan a segunda volta na pista do Melilla FS, pechacancelas da táboa que deu a sorpresa a semana pasada privando o OPDE Ribera Navarra da primeira praza. O encontro está programado para mañá ás 17.30 horas (pavillón Javier Imbroda Ortiz).
Na vixésima cita de Prata, o Burela FS medirase a un rival moi condicionado polos altibaixos, que só é resolutivo na casa. Os seus 12 puntos actuais son a recompensa do xogo local, en tres empates (Albacete 2-2, Cáceres 3-3 e Eivissa 3-3) e tres vitorias (Antequera 10-6, Tobarra 5-2 e Navarra 4-3). O encontro da primeira volta foi para os mariñáns, por 3-2.
Os tres puntos daríanlle aire á escuadra laranxa (sétima, 31 puntos) nos postos de play off. Esta pode ser unha boa ocasión de rabuñar algunha praza; a quinta está a dous puntos, co BP Andorra (33) como propietario, que recibe o Puertollano dende o liderado. Para os rivais máis directos do Burela FS, ElPozo Ciudad de Murcia e Arcebansa Zamora, a xornada tamén pode presentar complicacións; os levantinos defenderán o sexto posto (31 puntos) ante o noveno, Lanzarote (25), e os castelano-leoneses pelexarán dende a oitava posición co décimo, Unión África Ceutí (24).
Tras o golpe sufrido nun xeonllo na xornada pasada, Juanma non poderá participar nesta cita; no entanto, as probas realizadas ao Mariskal polo corpo médico descartan unha lesión de gravidade. A outra ausencia nas filas laranxas será Minu, que volverá aos adestramentos habituais a vindeira semana, restablecido dos problemas musculares que o mantiveron afastado dende comezos de decembro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
