Nota de prensa:
Os populares unen a súa voz ao sector pesqueiro para alertar das consecuencias sociais e económicas pola “tendencia a baixa” no reparto comunitario de cotas e totais admisibles de capturas
O GRUPO POPULAR INTERÉSASE POLA VALORACIÓN E XESTIÓNS QUE SE TEÑEN PREVISTO DESENVOLVER TRAS O FRACASO DO MINISTERIO NA NEGOCIACIÓN DAS COTAS PESQUEIRAS PARA 2011
o Os populares consideran que Rosa Aguilar non estivo á altura na defensa dos intereses da nosa flota, lembran que foi Estremadura unha comunidade sen mar que representou ás autonomías e insiste en que o Ministerio non pode renunciar a desenvolver políticas efectivas que permitan manter o emprego e riqueza
Santiago, 19 de xaneiro de 2011.- O voceiro do Mar do Grupo Popular de Galicia, Jose Manuel Balseiro Orol, rexistrou unha iniciativa parlamentaria na que se interesa pola valoración e xestións que ten previsto desenvolver a Xunta tras o “fracaso” do Ministerio de Medio Ambiente, Medio Rural e Mariño (MARM) na negociación das coutas pesqueiras para 2011.
Os populares unen así a súa voz a do sector pesqueiro que en días pasados, en Galicia, e a través das súas organizacións máis representativas, alertaban das graves consecuencias sociais e económicas pola “tendencia á baixa” no reparto comunitario de cotas e totais admisibles de capturas (TAC).
Segundo o PPdeG a nova ministra do ramo, Rosa Aguilar, “non estivo á altura” na defensa dos intereses da nosa flota. Balseiro non atribúe directamente esta circunstancia “á falta de experiencia da Ministra” -recentemente nomeada- pero si lembra que o Goberno central impediu que á Delegación Española no Consello de Ministros da UE puidera incorporar como asesor algún representante da Xunta ou dunha comunidade autónoma marítima.
“O Executivo que preside o socialista Rodríguez Zapatero cometeu o grave erro de incluír a Estremadura, unha comunidade autónoma sen mar, e sen experiencia no ámbito da xestión pesqueira, para asistir á Ministra nun Consello Europeo” –explicou Balseiro- “todo iso, pese a que era o foro onde se estaba a decidir unha cuestión fundamental para o futuro do sector pesqueiro español e, nomeadamente para o sector pesqueiro galego”.
RESULTADO NEGATIVO PARA GALICIA
O resultado dese Consello Europeo foi “francamente negativo” para as especies comerciais que captura a flota galega. Baixa un 5 por cento o cota para o gallo e o peixe sapo e prodúcese un drástico recorte en canto ao lirio. As cantidades para esta especie experimentan unha caída media do 90 por cento. No caso da pescada malia que a UE acordou aumentar un 15 por cento a cota en augas ibéricas (mar Cantábrico, Galicia, Portugal e Golfo de Cádiz) mantén a mesma cota que en 2010 para a pescada do norte (Gran Sol, Escocia, Irlanda e augas non españolas do Golfo de Biscaia) pese a que os informes científicos aconsellaban tamén un significativo aumento.
Jose Manuel Balseiro insiste en que “demostrada a incapacidade do Goberno central”, é a quenda da Consellería do Mar –dentro do ámbito das súas competencias- que debe en todo caso recordarlle ao Ministerio “que non pode renunciar á súa responsabilidade de desenvolver políticas efectivas que permitan manter o emprego e riqueza asociada ao sector pesqueiro”. Balseiro concluíu sinalando “que a nosa flota está en risco, pola mala negociación do Executivo socialista en Europa e a perda significativa de credibilidade, de poder de decisión e influencia de Zapatero”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
