Nota de prensa:
VILLARES DENUNCIA A PERSECUCIÓN POLÍTICA DOS RESPONSABLES DA SEGURIDADE SOCIAL CONTRA O CONCELLO DE CERVO
* En outubro pasado a corporación municipal decidiu rexeitar a petición formulada no 2007 pola Tesourería Xeral da Seguridade Social (TXSS) de declarar nulo o acordo municipal de xaneiro do 1991 de reparcelar unha zona anexa ao Hospital de Burela
* A pesares disto, a Tesourería Xeral da Seguridade Social insiste na súa reclamación extemporánea e recorre novamente o acordo de hai tres meses
* Esta reivindicación sen sentido ten xerado unha serie de gastos nos últimos 3 anos para o Concello que se agravan coa chegada hai uns días dunha decisión xudicial na que se obriga ao Concello a abonar preto de 20.000 euros en concepto de costas derivadas do proceso xudicial iniciado por este organismo dependente do Ministerio de Traballo.
Cervo, 4 de xaneiro de 2010.- O alcalde de Cervo, Alfonso Villares, xunto coas concelleiras Pilar Armada, Yolanda Pedreira e Chelo Gallego, compareceron este mediodía para denunciar a persecución política á que se está vendo sometido aos veciños do concello por parte dos responsables políticos que rexen a Tesourería Xeral da Seguridade Social “e que dependen do goberno socialista do Estado”.
Conflito iniciado hai máis de tres anos
O rexedor sinalou que en marzo de 2007 a Tesourería Xeral da Seguridade Social está solicitando do Concello a revisión de oficio e a declaración de nulidade dun acordo municipal da corporación cervense tomado en xaneiro do ano 1991 e no que se aprobou a reparcelación dunha zona anexa ao Hospital de Burela. “E dicir, despois de dezasete anos, unha administración rexida por socialistas lémbrase de recorrer a esta corporación actual, gobernada polo PP unha decisión tomada cando gobernaba o Concello un socialista e cando tamén gobernaba no Estado outro socialista” recalcou o mandatario local.
Obrigados a denunciar esta forma de proceder
Villares dixo que nestes tres anos o grupo de Goberno local non quixo nunca saír á opinión pública sobre este asunto nin tampouco facer ningún tipo de declaracións ao respecto, “aínda que nunca comprendimos a razón desta reivindicación que se nos facía, pero recentes novidades neste conflito nos obrigan a saír á palestra” indicou.
Sinalou que dende o consistorio se limitaron a dilixenciar esta solicitude co único obxectivo de resolver definitivamente esta reivindicación extemporánea do organismo dependente do Ministerio de Traballo e recordou que estas xestións desembocaron finalmente no acordo plenario adoptado en outubro pasado polo Pleno rexeitando a petición da Tesourería Xeral da Seguridade Social (TXSS) de revisar e anular a reparcelación. Esta decisión estaba baseada e abalada por un ditame do Consello Consultivo de Galicia no que se pon de manifesto a falta de dilixencia da TXSS que durante 17 anos non se decatou da afectación dunha finca da súa propiedade. “Despois de tres anos de xestións, papeleos e gastos para tentar resolver dunha vez por todas algo tan estrambótico como é a petición de anular un acordo de hai 20 anos porque non se decataron dunha reparcelación na súa propiedade que actualmente está noutro concello, e cando pensabamos que estaba todo solucionado, resulta que nos chega a obriga de ter que aboar preto de 20.000 euros en concepto de minuta dos gastos derivados da defensa deste asunto e, ademais, a propia Tesourería Xeral da Seguridade Social presenta un novo recurso contra o acordo adoptado hai tres meses e co pretendíamos zanxar definitivamente esta situación kafkiana que se ten algo escuro é única e exclusivamente debido a decisións e actuacións adoptadas por xestores do Partido Socialista”.
O mandatario local dixo descoñecer cales son as razóns que moven á Tesourería Xeral da Seguridade Social a proceder deste xeito de recorrer novamente o acordo de hai 20 anos esgrimindo que non tiveron coñecemento del “feito que demostra a súa falta de dilixencia. E sobre todo, preguntámonos que é o que pretenden que resolvamos agora sobre un asunto que actualmente só lle compete ao Concello de Burela e no que nós non temos ningún tipo de xurisdición”.
Por último, Villares adiantou que o Concello de Cervo se dirixirá “a quen faga falta” para defender os intereses de todos os veciños e veciñas do municipio e asegurou que a única razón que atopa para este comportamento hostil da Tesourería Xeral da Seguridade Social non é outro que a da persecución política por parte dos seus responsables. “Queremos denunciar esta persecución política, que non ten nome. Porque si a isto lle sumamos que levamos máis de dous anos reclamándolle a este mesmo organismo a cesión da titularidade dos locais da Casa do Mar sen que ata o de agora nos responderan é a mostra palmaria de que o único obxectivo dos políticos que están á fronte deste organismo é o de prexudicar ao Concello de Cervo”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
