Nota de prensa
BURELA PARTICIPARÁ NO SALÓN GALEGO DA GASTRONOMÍA E DO TURISMO XANTAR 2011 EN EXPOURENSE, QUE SE CELEBRA DO 2 AO 6 DE FEBREIRO.
Burela, 31 de xaneiro de 2011. Burela estará presente na décimo segunda edición do Salón Galego da Gastronomía e do Turismo Xantar 2011, que se desenvolverá no recinto feiral de Expourense do 2 ao 6 de febreiro, segundo ven de anunciar o concelleiro de Turismo, José González Legazpi.
O edil nacionalista sinala que “o Concello de Burela estará presente un ano máis nun dos escaparates turísticos e gastronómicos máis importantes de España e Portugal, un evento que concentra a máis importante presenza de expositores do país veciño e que nesta edición incrementa o seu posicionamento segundo a organización cunha representación que se achega a un importante número de institucións e concellos”. En Expourense haberá máis de 125 expositores nun recinto feiral duns 12.000 metros cadrados. A organización agarda para esta edición a presenza de máis de 25.000 visitantes.
González Legazpi segue a contar que “nesta XII edición de Expourense 2011 estará Francia como país convidado, xunto con Andalucía, Xaén, Badaxoz, Asturias, e outras, así como as rexións turísticas portuguesas de Porto, centro, norte e Douro, Lisboa e Val do Texo xunto con Concellos, Deputacións, consulados e outras institucións, o que representa un importante punto de encontro para o turismo e a gastronomía. Consecuencia ésta pola que o Concello de Burela estará presente un ano máis neste interesante certame, para seguir valorizando o noso interese turístico e gastronómico, no senso de afianzar e posibilitar cotas de crecemento para Burela dentro do ámbito turístico”.
O concelleiro de Turismo destaca tamén que “a miña delegación ten chegado a un acordo co Consello Regulador Denominación de Orixe Monterrei, polo que o vindeiro sábado día de Burela degustarase o bonito do norte, farase nesta XII edición de Expourense, acompañada dos prezados viños de Monterrei. Esta iniciativa representa un novo avance cara ao interés gastronómico e turístico do noso Concello e a súa potenciación, xa que tamén se faran transcender os nosos recursos a traves dunha denominación do prestixio de Monterrei”.
José González Legazpi engade que “Burela estará presente en Expourense 2011 con stand propio, no que se divulgarán todos os nosos recursos turísticos, gastronómicos, culturais e históricos dentro dun espazo de importante repercusión pola súa situación xeografica de conexión coa meseta e o norte de Portugal e mesmo pola súa importante repercusión gastronómica consolidada no ámbito internacional, e por tanto de grande trascendencia para a potenciación do turismo para o Concello de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
