Nota de prensa:
O BNG INSISTE NA DENUNCIA DE VERTIDOS DE AUGAS RESIDUAIS AO RÍO XUNCO SEN SOLUCIONAR DENDE FAI ANO E MEDIO
Os nacionalistas din que o alcalde non cumpre coas súas obrigas nin co compromiso adquirido cos veciños fai mais de ano e medio de arranxar a situación
O vertido prodúcese no Camiño Real entre Cervo e Sargadelos á altura do Muíño do Pernán dende fai mais de ano e medio
Cervo, 08 de xaneiro de 2011. O BNG volveu denunciar a existencia dun vertido puntual de augas residuais ao Río Xunco, no Camiño Real que vai entre Sargadelos e Cervo á altura do Muíño do Pernan. Os nacionalistas indican que sería a segunda ocasión na que denuncian esta situación sen que o alcalde, Alfonso Villares, fixera nada a pesar de comprometerse cos veciños fai máis de ano e medio a amañar o problema e a situación segue igual. Os nacionalistas insisten en que o o goberno local non ten escusas para non arranxar un problema da súa completa competencia e si non o fai e polo abandono no cumprimento das súas funcións e porque o alcalde a todo menos a atender os problemas cotías do concello.
Os veciños reclamaron solucións ao alcalde que se comprometeu a solucionalo fai ano e medio e seguimos agardando.
O BNG demandou do goberno local solucións a un vertido puntual de augas residuais ao Río Xunco ao seu paso por Cervo, “leva moito tempo verténdose no río sen que o alcalde poña as solucións coas que se comprometeu cos veciños fai ano e medio”. Os nacionalistas sitúan o vertido no Camiño Real entre Cervo e Sargadelos, á altura da ponte e Muíño do Pernán sendo visíbel a simple vista ademais de causar malos olores. Para o portavoz municipal nacionalista, Xoán Estúa, “estamos diante dun feito mais que demostra a deixadez e incumprimento de funcións do goberno local que non ofrece solucións aos problemas puntuais do concello”, Estúa engadiu ademais que “aquí non serven escusas de mal pagador ou botarlle a culpa aos demais, como adoita facer Villares”.
A función do alcalde e poñer solución ao problemas, a da oposición denuncialos.
Por último os nacionalistas demandaron do goberno local e do alcalde en particular que non eluda as súas responsabilidades e poña solución a estes vertidos residuais no Río Xunco e o faga con prontitude, “non pode ser que outra volta o alcalde acuse á oposición de ir contra o pobo por facer o noso traballo”, advertiu Estúa, “quen está a ir contra o pobo como di Villares, e o alcalde que non traballa nin goberna para solucionar os problemas”. Rematou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
