Nota de prensa
Guillerme Vázquez fala o Xoves en Foz sobre a reforma das pensións.
O BNG arranca unha campaña contra a reforma das pensións
cun reparto de propaganda en Foz.
O Bloque Nacionalista Galego iniciou hoxe cun reparto de propaganda no mercado semanal de Foz unha campaña explicativa sobre o que vai significar para os veciños da Comarca a reforma das pensións que pretende levar adiante o Goberno do Estado. Segundo explicaron os nacionalistas “a campaña de información que iniciamos hoxe sobre a modificación do réxime de pensións vai ter continuidade ao longo das próximas semanas, tanto con encontro sectoriais, asembleas informativas con diferentes colectivos como con repartos de propaganda como os realizados hoxe en Foz”. Neste sentido desde o BNG informaron que o vindeiro Xoves 20 de Xaneiro visitará a Comarca o Portavoz Nacional Guillerme Vázquez que participará nun acto publico que se vai celebrar ás 20:30 na casa da Cultura de Foz.
Os nacionalistas indicaron que “a reforma das pensións representan unha perda no poder adquisitivo dos futuros pensionistas de primeira orde, posto que ao aumentar a idade de xubilación e particularmente a base de cotización dos 15 aos 20 ou 25 anos, isto supón uns recortes na pensións que se cifra en función das ratios que ao final se establezan de entre o 8 e o 34%”. O BNG tamén quixo destacar que que son precisamente os menores de 35 anos e os maiores de 65 os que menos diñeiro ingresan, sendo o período entre os 56 e os 65 anos cando os salarios son máis elevados, polo que aumentar a base de calculo da xubilación aos 20 ou 25 anos como pretende o PP e PSOE coa reforma do réxime das pensións significaría unha diminución nas futuras pensións entre o 8 e o 34%.
O Bloque Nacionalista Galego lembrou que ” a día de hoxe, tal como informan os dados do IGE, a poboación xubilada nas tres Mariñas é de 18.843 persoas, sobre un total de 76.603 persoas, o 86% dos cales teñen unha pensión inferior aos 600 Euros. A pesar de que a pensión media de Lugo situase nos 582,82 Euros, a nosa provincia está a cola do Estado, un 47% dos pensionistas da Mariña están por baixo dos 546 euros mensuais, isto é por debaixo da pensión mínima de xubilación”. Na mesma liña os nacionalistas criticaron que “as medidas económicas que está a levar adiante o goberno do Estado van ter consecuencias terroríficas para a Comarca, posto que hai 18.843 persoas a quen o pasado ano e este ano conxeláronselle as pensións, o que significa unha perda de poder adquisitivo, cando no lado de enfronte atopámonos coa suba de toda a fiscalidade indirecta como IVE que grava os produtos básicos ou recentemente das tarifas eléctricas. En definitiva está a aumentar a carestía da vida pero os seus ingresos están conxelados”.
Os nacionalistas afirmaron “que no caso de ir adiante esta reforma do réxime de pensións está en xogo que moitos homes e mulleres da Mariña poidan no seu momento acollerse a unha pensión contributiva polo que é o momento de moverse para paralizar esta agresión contra o conxunto da poboación da Comarca”. “Aquí ninguén fica a marxe” recalcaron desde o Bloque ” xa que a maiores dos asalariados, esta reforma golpea de cheo aos autónomos ou aqueles que cotizan no réxime especial agrario. Hai que parar unha políticas asentadas sobre mentiras, posto que o sistema de pensións non corre ningún risco, o que corre risco é a cohesión social e as coberturas futuras para os traballadores de hoxe, para a totalidade de persoas que conforman a poboación activa e que hoxe se encontran desempregadas e tamén para a nosa mocidade”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
