Nota de prensa
MEDIO RURAL INICIA O ARRANXO DOS PUNTOS MÁIS DETERIORADOS DOS CAMIÑOS DA CONCENTRACIÓN PARCELARIA DE VAL DE ALFOZ
? A delegada territorial, Raquel Arias, sinalou que se acometerá unha actuación global nos viais unha vez asinado o convenio coa Deputación para o arranxo das estradas da rede provincial
Alfoz, 24 de xaneiro de 2011.- A Consellería de Medio Rural inicia mañá os traballos de reparación dos puntos máis deteriorados da rede de camiños que da servizo á área de concentración parcelaria do Val de Alfoz.
A delegada territorial da Xunta, Raquel Arias, acompañada polo alcalde da localidade, Emilio Lousas, visitou hoxe a área de concentración, que afecta a unha superficie global de 1.667 hectáreas e na que se trazou unha nova rede de camiños que suma unha lonxitude de 68,35 quilómetros.
Arias fixou en 3.848.491,67 euros o investimento realizado pola Xunta na apertura destes case 70 quilómetros de novos viais, “e nestes momentos están orzamentados arredor de 300.000 euros que son necesarios para rematar o seu acondicionamento”, engadiu.
A delegada explicou que esta actuación pretende corrixir o firme nalgúns tramos especialmente danados polas fochancas, á espera dunha actuación global en todo o trazado que “está pendente da sinatura dun acordo coa Deputación Provincial que permitirá abordar o arranxo das estradas da rede provincial afectadas polo proceso de concentración”.
Así, expuxo que a reestruturación do terreo obrigou a introducir modificacións en catro estradas que son de titularidade provincial. En concreto, Medio Rural executou na rede provincial 5,6 quilómetros de tramos de nova construción e a ensanchou e mellorou outros 6,3 quilómetros.
A consellería asumiu en todos os casos os traballos básicos de construción dos novos trazados e mellora dos tramos que se conservan, procedendo á ocupación dos terreos, explanación e o aporte de zahorras.
Igualmente, procederá ao asfaltado do 78% da lonxitude total a reformar, en concreto 9,3 quilómetros de vías. En virtude do estipulado entre Xunta e Deputación, a institución provincial asfaltará os 2,6 quilómetros restantes. Arias confiou en que o acordo “sexa oficial en breve”.
Datos da concentración
A delegada territorial lembrou que a concentración parcelaria que se leva a cabo no Val de Alfoz beneficiará a 1.512 propietarios e comprende a totalidade dos terreos das parroquias de Adelán, Carballido, Castro de Ouro, Lagoa, San Pedro de Mor e Reirado, no concello de Alfoz.
A delegada subliñou “o importante avance que significa un proceso destas características de cara a un mellor aproveitamento dos recursos”. A concentración de terras “optimiza o uso do solo, rendabiliza a utilización de maquinaria e permite obter mellores resultados cun menor esforzo”, subliñou.
No caso de Alfoz, a superficie afectada está actualmente dividida en 7.736 parcelas, cunha extensión media de 1.973 metros cadrados cada unha. Tras da concentración converteranse en 2.412 fincas, cunha superficie media de 6.055 metros cadrados. Iso significa que cada propietario posúe ata o de agora unha media de 5,11 parcelas e pasará de dispoñer dunha media de 1,59 fincas.
Investimentos en Alfoz
No transcurso da visita, na que Raquel Arias estivo acompañada tamén polos polos parlamentarios autonómicos José Manuel Balseiro e Emma Alvarez Chao, a delegada destacou que “Medio Rural investiu máis de 900.000 euros no concello de Alfoz durante o pasado ano, o que da a medida do esforzo inversor que realiza esta consellería”.
Os investimentos englobaron diversos aspectos, como as axudas a empresas para a comercialización de produtos forestais –máis de 368.000 euros-, os propios traballos de concentración parcelaria -114.741 euros-, subvencións para a modernización de explotacións agrícolas ou traballos preventivos de loita contra o lume.
Igualmente, acometeuse o saneamento en varios puntos da parroquia de Carballido –cun orzamento de 95.778 euros- e foi necesario investir máis de 21.000 euros en obras de emerxencia para a reparación dos danos provocados polas choivas ocorridas no mes de xuño
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
