A TERTULIA (II)
Superadas as ledas (e nostálxicas) datas do Nadal, nas que se xuntan emocións e sentimentos que veñen a alterar o normal e monótono discurrir dos días vilegos, volta a vida á rutina, tan desexada por uns, como rexeitada por outros, mais amantes das variables vitais, da solpresa e mesmo do risco; plantexamentos, un e mailo outro, ós que non son alleas as idades dos individuos. Pasado o lapsus imposto polas últimas celebracións tamén a tertulia cotidiana, da que dimos conta en entrega anterior, volve á normalidade para debatir sobre os mil asuntos que a actualidade depara, aínda que nesta ocasión hai temas pendentes debido ós cortes producidos por tanta festa.Un deles son as declaracións que se cruzan os artífices da violenta ruptura do longo contubernio mantido por dous gurús da política focega. As mútuas acusacións das que, de ser certas, ambos foron cómplices ou encubridores, poñen á vista a pouca credibilidade da que son merecentes. Xa Thomas Hobbe dixera que “o home é un lobo para o home”¿qué decir cando a loita se da entre manadas?…Sobre a mesa tertuliana, un tema non tratado: hai unhas datas era noticia que íase a gastar unha millonada en cubrir de céspede artificial boa parte dos campos de fútbol da Mariña.A nova ben merece o debate, posto que a cotío se nos lembra que estamos en crise tal, que mesmo obriga a recortes drásticos en atencións de vital necesidade e que, polo tanto, as inversións que se produzan deben dirixirse a cuestións inaprazables, considerando a incidencia que as mesmas podan ter para resolver, ou axudar a paliar, a grave situación do desemprego…¿Tal plan é coherente con aqueles postulados ou é que as institucións non coñecen a crise?. Como é tradicional certas rúas de Foz luciron polo Nadal o alumeado artístico e soaron os vilancicos, por certo ningún deles galego. A música é universal e nese universo está tamén a nosa terra. Pregunta: ¿e que para o lexítimo e desexable coñecemento e disfrute de outras culturas – neste caso a musical- é preciso soterrar a propia? Nada se afirma nen se nega en canto antecede: sobre os temas debaten os tertulianos que, como teñen por norma, en nengún caso dictarán sentencia. Trátase só dun exercicio de terapia para a memoria e o raciocinio…
Suso Fernández
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
