Nota de prensa
BURELA CONTARÁ NO PRAZO DUNS DOUS MESES CUN MUSEO VIRTUAL SOBRE A VILA, SEGUNDO ANUNCIOU HOXE A CONCELLEIRA DE CULTURA, NEVES CANDO.
Burela, 13 de xaneiro de 2011. Burela contará no prazo duns dous meses cun museo virtual sobre a vila. Será mentras non estea dispoñible o espazo físico para albergar ditas instalacións no edificio que agora ocupa a Capitanía Marítima. O museo que atoparemos na rede contará con seis salas nas que nos achegarán á pesca, á industria ou á historia, segundo anunciou hoxe a concelleira de Cultura, Neves Cando.
A edil nacionalista sinalou que “dende hai tempo ven funcionando dentro desta Delegación de Cultura unha comisión encargada de sentar as bases do futuro museo e arquivo municipais, unha realidade física que será posible cando dispoñamos dos locais que agora ocupa a Capitanía Marítima, despois de que se traslade á nova sede. Ata daquela xa fomos adiantando o camiño e xa temos aprobado o regulamento do sistema municipal de arquivos do Concello de Burela, así como valorada toda a documentación que nun futuro formará parte deste arquivo histórico municipal”.
Neves Cando subliñou que “agora damos un novo paso poñendo en marcha un museo virtual de Burela, mentras non estean listas que acollerán o futuro museo. Desde a rede accederemos a un espazo virtual que acollerá o noso pasado, presente e futuro como si de un museo real se tratase con diversas salas de visita. Na sala de pesca poderemos achegarnos á pesca artesanal do bonito, faremos unha visita ao barco museo Reina del Carmen e tamén poderemos achegarnos á feira do bonito; haberá unha sala de arte na que disfrutaremos das pinturas da igrexa de Vila do Medio e da arte floral que durante as festas patronais supoñen as nosas alfombras e tamén faremos unha parada na arqueoloxía coa historia dos restos atopados en Burela da época castrexa e co significado torques que leva o nome da nosa vila”. E segueu a relatar que “na sala da natureza faremos un percorrido pola zona xeolóxica do Perdouro, polo río da vila, polo Monte Castelo e polo paseo marítimo; hai tamén unha sala adicada á industria pasada e presente do pobo, desde as primeiras fábricas de gres e conserveiras ata o lavadoiro de caolín, os aserradoiros, varadoiros e a lonxa e a empresa de armadores actual e unha sala de historia en imaxes onde se recollan temáticamente a nosa historia a través de fotos antigas e presentes. E todo isto con textos explicativos, fotos, vídeos, enlaces de interese e incluso podcass para xa facer unha visita real a todos estes lugares a través das novas tecnoloxías”.
A concelleira de Cultura engadiu que “ésta é a primeira idea coa que xa se está a traballar e que agardamos estea lista para presentar a todo o mundo no prazo duns dous meses. De todas maneiras non é unha iniciativa pechada e iránse incorporando máis salas e máis datos sobre o noso pobo, de momento esta primeira aproximación coas seis salas nomeadas é unha realidade sobre a que se está a traballar”. Cando agradeceu “ás persoas que forman parte desta comisión municipal polo seu traballo e adicación a esta iniciativa. Son as historiadoras burelesas Herminia Pernas e Emilia García e tamén a todas as persoas que están e estarán a colaborar neste futuro museo virtual de Burela, que xa está empezando a ser unha realidade”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
