Nota de prensa:
A PISCINA MUNICIPAL DE LIEIRO ACOLLEU ESTA TARDE O FESTIVAL ACUÁTICO INFANTIL DE NADAL
* A programación deseñada polo Concello co gallo do Nadal rematará o vindeiro día 5 coas cabalgatas de Reis en Cervo e San Ciprián
Cervo, 3 de xaneiro de 2011.- A última semana de actividades programada polo Concello de Cervo nestas datas de verán deu comezo hoxe cun dos seus pratos fortes: O Festival Acuático Infantil organizado dende as 5 da tarde na piscina municipal de Lieiro e na que todos os nenos e nenas do municipio e de fora del tiveron a oportunidade de gozar con distintos inchables e xogos acuáticos e supervisados en todo momento por monitores profesionais.
Co obxecto de facilitar a asistencia a esta oferta de lecer, o Concello de Cervo puxo a disposición dos nenos e nenas das areas do rural do municipio un servizo de autobuses que os foi recollendo segundo a ruta habitual do bus escola e unha vez rematada a actividade (ás 19.00 horas) foron levados de volta aos seus domicilios.
A xornada de hoxe completouse coa actividade “Mañás de Nada” que tivo lugar no pavillón de Cervo. Esta actividade vense desenvolvendo alternativamente no pavillón cervense e no pavillón da veiga de San Ciprián dende o 23 de decembro e consiste na celebración de xogos, competicións e actividades de animación para os rapaces.
Cabalgata
Mañá, día 4 de xaneiro, celebraranse as “Mañás de Nadal” no pavillón municipal da Veiga (11.00h a 13.00h.) e o peche deste programa de actividades que se veu desenvolvendo nestes últimos 30 días pecharase o día 5 coa celebración das “Mañás de Nadal” no pavillón de Cervo (11.00h a 13.00h.) e xa pola tarde terán lugar as Cabalgatas de Reis de San Ciprián (18.00h.) e Cervo (19.30).
O alcalde de Cervo, Alfonso Villares, aproveitou para presenciar hoxe como se divertian os nenos na piscina municipal cos xogos e inchables. Alí aproveitou para agradecer a súa resposta en todas estas actividades organizadas dende o pasado 4 de decembro “nas que participaron con todo mimo e cariño as distintas concellerías municipais” e convidounos a asistir ás que aínda restan por celebrarse, “sobre todo á cabalgata de Reis, unha celebración tan ilusionante tanto para os pequenos como para os maiores”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
