Nota de prensa
A Deputación premiada en FITUR polo “compromiso
cun servizo turístico de alta calidade”
– Besteiro recibiu o galardón da Asociación Española de Normalización e Certificación por converter á Mariña na 3º costa de España co maior número de praias avaladas pola UE
– Este colectivo é o principal responsable no país das certificacións medioambientais con maior prestixio no mundo, é o caso da obtida pola Deputación en 20 praias: ISO 14001
– O Presidente, xunto ó Alcalde lucense e o Conselleiro de Cultura, presenta a Guía Turística…E para comer Lugo 2011 impulsada pola Asociación de Hostaleiros da provincia
O Presidente da Deputación, José Ramón Gómez Besteiro, recibiu este mércores na Feira Internacional de Turismo (FITUR) que se está a celebrar en Madrid un recoñecemento “polo compromiso cun servizo turístico de alta calidade” do organismo provincial, baseado na aposta polo medioambiente, “a nosa oportunidade económica”. A Asociación Española de Normalización e Certificación (AENOR) quixo galardoar o traballo levado pola Deputación logo de lograr a certificación medioambiental de 20 praias lucenses, convertendo á Mariña na 3º costa de España co maior número de areais avalados pola Unión Europea, e no referente turístico de calidade do noroeste do país. Gómez Besteiro salientou que “quero trasladar unha mensaxe á cidadanía: hai vida despois do Xacobeo. Por iso, temos que traballar nesta liña para ser capaces de aumentar o número de turistas que visitan a nosa provincia. O ano pasado, malia a crise, logramos que Lugo se convertese xa na provincia galega na que, con case un 17%, máis se incrementou o índice turístico”.
O titular do organismo provincial recolleu unha estatuíña de bronce e unha bandeira de mans de Jaime Fontals, Director de novos produtos de AENOR, a quen o acompañou Martín Pita, Director de AENOR en Galicia. Este colectivo sen ánimo de lucro fundado en 1986, é o principal responsable no país da concesión das certificacións medioambientais con maior prestixio a nivel internacional. É o caso da obtida pola Deputación: ISO 14001. Este distintivo réxese pola normativa medioambiental máis estrita da Unión Europea, a EMAS. É moi superior ós selos máis estendidos e habituais. Por exemplo, mentras a bandeira azul ofrece unha fotografía que se dá nun momento determinado, a ISO 14001 acredita unha mellora constante. Asimesmo, a diferenza da Q de calidade, a certificación da Deputación non só atende ás demandas dos turistas que marcan as empresas, senón que tamén atende ás leis e normas dos expertos comunitarios.
Incremento do turismo
Na actualidade, as zonas que rexistran os índices de turismo máis elevados, as de Valencia de Cataluña, concentran a maioría de praias coa ISO 14011. No norte, só a teñen algúns areais de Biscaia e a Coruña. A Deputación logrou implantala nos Concellos que voluntariamente se adheriron ó proxecto do organismo provincial. Estes foron: Burela, Foz, O Vicedo, Viveiro e Ribadeo. Para elo, durante meses, avaliouse dende a calidade da auga, a xestión de residuos, os servizos dos usuarios, e ata a documentación do equipamento do persoal. A maiores, tamén se formou ós responsables ambientais dos municipios, e nomeouse a un coordinador co obxectivo de garantir praias de auténtica calidade durante todo o ano. Como resultado, segundo datos do Instituto de Estatística, en 2010 Lugo foi a provincia galega na que, con case un 17%, máis se incrementou o índice de turistas con respecto ó 2009.
Guía Turística…E para comer Lugo 2011
Gómez Besteiro, xunto ó Alcalde lucense, José López Orozco, o Conselleiro de Cultura, Roberto Varela, e o Presidente da Asociación de Hostaleiros da provincia, Cheché Real, presentan, ás 15:30 horas, a Guía Turística…E para comer Lugo 2011 impulsada por dito colectivo. Esta publicación fai un percorrido polos 67 Concellos da provincia, destacando a riqueza natural, cultural e gastronómica de cada municipio baixo o subtítulo de 67 paraísos. Ademais, ofrece un directorio dos establecementos hostaleiros lucenses ordenados por Concellos. A labor desta asociación “suma esforzos” co traballo levado a cabo pola Deputación con iniciativas como Rutas pola Provincia Km0.Deputación de Lugo, o 1º libro que promociona a provincia na súa totalidade; a publicación Rutas a Santiago na Provincia de Lugo, a 1º publicación de Galicia que inclúe todos os Camiños que pasan pola provincia; ou a edición exclusiva que se está a elaborar sobre o Camiño do Mar.
Viveiro Máxico…descúbreo
O Presidente, acompañado polo Ministro de Fomento, José Blanco, e López Orozco, participará ademais na distribución de Viveiro Máxico…descúbreo. Bolseiros da Escola de Imaxe e Son e técnicos da Fundación TIC elaboraron este vídeo que promociona o emprazamento deste municipio mariñano, as súas praias, o seu patrimonio etnográfico e cultural, así como a celebración da Semana Santa. Este festexo, que xa foi declarado como Ben de Interés Turístico Nacional, é xunto ó da capital lucense un dos de maior relevancia na provincia debido ó numero de persoas que atrae. Por este motivo, Deputación e Concello de Lugo aproveitaron esta oportunidade para, de forma conxunta, promocionar ó exterior a celebración desta cita relixiosa na provincia no “stand” do municipio lucense.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
