Nota de prensa
A Deputación pon á venda o Mirador de Mondoñedo para facelo útil á provincia logo de anos de abandono do PP
– O inmoble foi adquirido en 1967 e nunca cumpriu o obxectivo para o que se construiu: dotar a este municipio e á provincia dun novo espazo turístico
– O novo equipo de goberno aproba o expedente para iniciar a venda co obxectivo de facer útil ós lucenses estas instalacións que nestes momentos non teñen ningunha función
– A última concesión data de febreiro de 2003 séndolle concedida a un concelleiro do Partido Popular
– A Xunta de goberno aumentará a obra pública nos Concellos de Taboada, Quiroga, Pantón e Fonsagrada coa adxudicación de 5 novas actuacións do canon
A Xunta de Goberno deste venres aprobo o illamento do Mirador Los Paredones de Mondoñedo, que rexirá a venda destas instalacións que se sitúan na parroquia de Nosa Señora dos Remedios. O prezo fixado para a súa adquisición é de 336.300 euros. O voceiro provincial socialista, Antonio Gato Soengas, subliñou que “o obxectivo é darlle a mellor saída posible para a posta en valor destas instalacións públicas, que agora están en desuso”.
Este inmoble permanece abandonado dende hai tempo, xa que dende a súa compra, en 1967, non foi utilizado de xeito permanente para ningún fin público e tampouco se cumpriu o compromiso para o que se comprou: dotar a Mondoñedo e á provincia dun novo espazo turístico. “Agora o novo equipo de goberno aproba o expedente para iniciar a venda co obxectivo de facer útil ós lucenses e á provincia estas instalacións que nestes momentos non teñen ningunha función. Esta é outra hipoteca do Partido Popular ó igual que o foi o hotel Miño”.
A sinatura da compra-venda data de xuño de 1967. En novembro de 1969 asinouse a sinatura de rectificación da superficie especificando que a superficie das dúas parcelas teñen unha superfície que supera os 4.800 metros cadrados. Nesta época asinouse un convenio para a súa execución a dúas bandas: Estado e Deputación. O custe era de 11.291.688 das antigas pesetas, dos que o organismo provincial aportou o 37%, é dicir, 4.223.293, e o Estado o 43% restante, 7.068.395.
En 1977 fíxose un contrato de arrendamento, durante 10 anos prorrogables. En 1978 inauguráronse as obras, o que supuxo a entrada en funcionamento do Mirador. En xuño de 1991 aprobáronse novas actuacións de mellora por un importe de 25.200.000 pesetas, momento a partir do cal deixou de ter uso público. En febreiro de 2003 renóvase a concesión a un Concelleiro do Partido Popular, resolvéndose o contrato en decembro de 2005 por impagos parciais. Esta foi a última concesión.
“Por tanto, é curioso que os populares se preocupen agora por este asunto, cando nós en so tres anos e medio intentamos buscar unha solución e dende mediados dos 90 ninguén se preocupou da situación deste inmoble”. Neste senso, Gato Soengas engadiu: “eu preguntaríalle ó señor Barcia e ó señor Barreiro por que están tan preocupados polo estado do mirador cando nós non creamos o problema. O que pretenden é sacar rendibilidade política cando foron eles os verdadeiros autores”.
Máis obra pública na provincia
A Xunta de goberno tamén deu o visto e prace á adxudicación de cinco novas actuacións do canon de Taboada, Quiroga, Pantón e Fonsagrada por valor de 1.373.722 euros. As comezarán nas vindeiras semanas. Trátase do acondicionamento das Neves-Xián, dos accesos Castelo-Ider e Insua a Vilar en Taboada. “Coa contratación dos arreglos nos tres viais cumprimos o compromiso adquirido no acto de prensentación da pasada fin de semana, no que ademais se logrou o compromiso do Ministro de Fomento, José Blanco, para reformar o acceso a Taboada dende a Nacional 540. Son obras moi demandadas polos veciños dende hai moitos anos e que se engaden a outras executadas neste municipio e que son unha realidade”.
No caso de Quiroga trátase da construción do Centro sociocultural de Nocedo e, no de Pantón, do acondicionamento do acceso á igrexa de Ferreira e, no da Fonsagrada do arranxo da Coas Consistorial. “A Deputación pon fin á débeda do canon neste municipios que ascende a 2.327.969 euros, tendo en conta que o municipio da Montaña se atopa dentro da zona norte co de Negueira de Muniz. O canon é un plan que está a dar moi bo resultado, xa que coas obras que se acomete, a Deputación contribúe a aumentar a obra pública na provincia, a diferenza do que está a facer a Xunta de Galicia. Senón fose polo investimento provincial moitos dos Concellos non terían obra pública e, por tanto, non disporían de infraestruturas para os cidadáns”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
