Nota de prensa
A Deputación investiu 4 millóns de euros en Ribadeo
no que vai de mandato
– O organismo provincial construirá un novo parque infantil na área recreativa de Santa Cruz que beneficiará ós preto de 10.000 ribadenses, e que substituirá ó existente que quedou practicamente inhabilitado polo desgaste do uso e do paso do tempo
– Gómez Besteiro, quen mantivo unha xuntanza coa Asociación de Comerciantes e Centro Comercial aberto, anuncia que a Deputación levará a cabo neste municipio unha iniciativa semellante á de Burela co seu Comercio dado o éxito acadado
– A Deputación destina 220.000 euros á contratación de 20 desempregados deste municipio dentro do Plan Lugo Emprega
O Presidente da Deputación, José Ramón Gómez Besteiro, desprazouse este venres a Ribadeo, onde o organismo provincial levará a cabo novas actuacións, que se engaden ás xa realizadas nestes tres anos e que ascenden a 4 millóns de euros. Precisamente, dentro deste esforzo inversor que a Deputación está a realizar neste municipio, Gómez Besteiro asinou un convenio de colaboración coa Asociación de Montes e Man Común de Ove para a construción dun parque infantil na área recreativa de Santa Cruz. Trátase dunha infraestrutura moi demanda polos veciños da zona, xa que o existente quedou practicamente inhabilitado polo desgaste do uso e do paso do tempo. Deste xeito, a nova dotación servirá como punto de encontro non só dos veciños e dos rapaces da localidade, senón dos preto de 10.000 habitantes que ten este Concello.
O organismo provincial, a través do INLUDES, subvenciona a execución desta infraestrutura con 6.000 euros. Gómez Besteiro subliñou que “esta área recreativa conta cunha grande afluencia de xente, sobre todo, da poboación infantil, polo que a construción dun novo parque era máis que necesario. Ademais, Ribadeo é hoxe unha segunda residencia para o turismo de calidade e para o turismo verde, polo que con esta actuación axudamos a impulsar esta zona”.
Este Concello ofrece un amplo abano de posibilidades para o tempo de lecer. A área recreativa de Santa Cruz, na que se situará a infraestrutura que construirá a Deputación, é un exemplo. Ademais de contar coa aula da natureza na Casa da Ría é o lugar no se celebra a multitudinaria romaría coñecida como “A xira da Santa Cruz”.
Reunión con empresarios e Lugo Emprega
Gómez Besteiro tamén se entrevistou cos integrantes da Asociación de Comerciantes de Ribadeo e Centro Comercial aberto, que na actualidade conta con 182 socios. No transcurso do encontro, anuncioulles que a Deputación repetirá neste municipio un programa semellante ó de Burela co seu Comercio dado o éxito acadado. Grazas a esta iniciativa, 20 pequenos comercios bureleses recibiron asesoramento personalizado e gratuíto, que tivo como resultado un plan de mellora adaptado ás súas necesidades para facer fronte á crise económica.
Gómez Besteiro tamén lles explicou ós comerciantes que Ribadeo é un dos 66 Concellos que se adheriron ó Lugo Emprega, o programa, dotado con 8 millóns de euros, co que a Deputación reducirá o desemprego na provincia e que inclúe a contratación de 711 parados. Neste municipio, que forma parte dos Concellos con máis de 5.000 habitantes e con máis de 500 parados, contrataranse a 20 desempregados. Neste caso, a entidade local, ademais de facilitarlles o material necesario para a realización de traballos, encargarase do proceso selectivo. Neste senso, destacou que “alegrámonos de que Ribadeo se sumase a este ambicioso Plan. En total, investiremos preto de 220.000 euros para dar traballo a 20 persoas e axudaremos a dar estabilidade a moitas familias. Malia que as políticas activas de emprego son competencia da Xunta, fomos quen de xestionar de forma áxil este Plan, que agardamos sirva de exemplo para outras administracións, xa que a provincia pechou o 2010 cun incremento de máis do 10% de desempregados e Galicia á a segunda Comunidade onde máis aumentou o paro, polo que se non fose pola Deputación habería máis paro na provincia”.
Asimesmo, o Presidente visitou a fábrica de avionetas de Toxo, situada no aeródromo de Vilaframil. Precisamente, este foi o lugar no que se inaugurou en setembro de 2009 a modalidade Xtreme de Km0, e que ofrece ós participantes a posibilidade de redescubrir a Mariña cunha viaxe en helicóptero. En total, unhas 240 persoas participaron nas 5 rutas que se desenvolveron dende esta data ata a actualidade.
Máis investimentos en Ribadeo
Ademais das actuacións anteriores, o organismo provincial levou a cabo outros investimentos no municipio mariñano. É o caso da construción do novo polideportivo que conta cun orzamento de 2,5 millóns de euros e do acondicionamento da estrada provincial 0610 que vai de Altar, por Reinante, ós Castros que se inclúe dentro do Plan Extraordinario de Obra Pública, dotado con 60 millóns de euros e co que se contribúe a manter os postos de traballo existentes na provincia. Á mellora deste vial destináronse 500.000 euros. En materia de infraestruturas, a Deputación contratará as obras da Ponte de Arante a finais de mes. O martes que vén o organismo provincial entregará en Patrimonio as modificacións requeridas polo goberno autonómico co obxectivo de que o proxecto sexa aprobado pola Xunta o mércores 26.
Asimesmo, investísronse máis de 200.000 euros na conservación e roza dos 40 quilómetros de estradas que xestiona a Deputación, e subvencionáronse 17 obras do Plan de Comunidades Veciñais. Dentro da aposta da Deputación polo medio ambiente como unha oportunidade económica, certificáronse medioambientalmente 4 areais: As Catedrais, Castros-Illas, Covas e Area. Ribadeo tamén contará con administración electrónica antes do verán, grazas ó Innova-TE, o programa dotado 9 millóns de euros e cofinanciado nun 70% por fondos FEDER.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
