NOTA DE PRENSA.-
INAUGURACIÓN DO BELÉN MUNICIPAL DE XOVE
Mañá VENRES 17 DE DECEMBRO comeza a PROGRAMACIÓN DE NADAL do Concello de Xove, Programación que foi presentada onte en Rolda de Prensa polo Alcalde Demetrio Salgueiro e a Concelleira de Cultura Dolores Meitín.
O punto forte das actividades de mañá venres vai ser a Inauguración do Belén Municipal, pero antes da mesma, imos ter outra serie de actividades:
-Ás 11:30 horas, na Escola Infantil de Xove terá lugar a FESTA DO NADAL, coa chegada de Papá Noel, Festa na que van participar tódolos nenos/as da Escola Infantil.
-Ás 20:00 horas, na Sala de Exposicións da Oficina Municipal de Turismo, inauguración da Exposición de Pintura de “Tony Mendaña”, pintor xovense que expón por primeira vez no noso Concello.
Como dixemos antes, o prato forte desta xornada inaugural do Programa de Nadal do Concello vai estar centrado na INAUGURACIÓN E APERTURA DO BELÉN MUNICIPAL DE XOVE, a cal vai ter lugar mañá ás 21:00 horas no Parque Municipal de Xove.
Trátase do maior Belén da Mariña, e xa unha referencia dentro do Nadal na nosa Comarca, que por cuarto ano consecutivo se monta en Xove, inda que este ano cambiouse a ubicación, dado que a Praza do Centro Cívico quedábase pequena para o mesmo. Coa nova montaxe cáseque se duplica a súa superficie, pasándose de algo máis de 1.000 metros cadrados aos 1.800 metros que ten este ano.
O Belén este ano instalouse na parte superior do Parque Municipal, moi perto do sitio do pasado ano; con este cambio gañouse por unha banda en superficie, como xa dixemos, e por outra gañouse en naturalidade, dado que se aproveita todo o conxunto natural desa parte do Parque (frores, calles, árbores, superficier herbóreas, fonte, etc) para integralo no Belén, facendo ao mesmo tempo que o conxunto belenístico quede mellor integrado.
Pero as novidades non acaban aquí. Dentro das melloras, este ano incorporáronse máis figuras, con máis animais (vacas, ovellas, aves, etc.) e personaxes, para o cal se aproveitaron uns maniquís.
Aparte das escenas presentes noutros anos (Nacimento, Noria, etc.), este ano incorporáronse varias máis, como un cobertizo para gando e unha forxa coa súa fragua e a súa barquilla.
Outra novidade que esperemos aprecien os moitos visitantes do Belén é a mellora sustancial da súa iluminación , ampliándose en todo o conxunto e reforzándose especialmente nas escenas principais do mesmo.
Dixemos que a inauguración e apertura vai ter lugar ás 21:00 horas (9 da noite), unha boa hora para que tódolos xovenses e visitantes, acompañados das sáus familias, se acheguen ata o Parque de Xove a contemplar este entrañable acto.
A apertura vai contar cun potente espectáculo de luz, son e fogos. Pero temos que aclarar que non se trata dun Belén estático, senón dun BELÉN VIVENTE, xa que 12 xovenses da Escola de Maiores van estar dentro do Belén recreando diferentes escenas, na forxa, cos animais, etc.
Unha vez realizada a apertura do Belén, o seguinte paso será o ENCENDIDO DO ARBOL XIGANTE DE NADAL que está ubicado na Praza do Centro Cívico. A aparición e chegada de Papá Noel porá fin a esta noite tan entrañable.
Dende aquí, quéreselle agradecer o traballo realizado por todo o personal do Concello na realización e posta en marcha do Belén, agradecemento que queremos se faga extensible a tódolos voluntarios/as da nosa Escola de Maiores que altruistamente lle van dar vida ao Belén, e a tódolos veciños/as do Concello que colaboraron desinteresadamente co mesmo, co seu traballo ou facilitando pezas e elementos que agora están incluidos alí.
Nada máis, aproveitar para invitar a tódolos veciños e visitantes, xuntos coas súas familias, para que se acheguen mañá a Xove a disfrutar do Belén e das demáis actividades programadas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
