Nota de prensa
‘Contos coas mans abertas’ sensibilizará sobre a solidariedade internacional mañá no Valadouro
– O Concello organiza a representación en calidade de membro do Fondo Galego de Cooperación e Solidariedade, que promove esta xira por vinte municipios
– O espectáculo da Tropa de Trapo, dirixido ao alumnado de Secundaria do IES Alfoz-Valadouro, inclúe música en directo con instrumentos de diferentes países
O Valadouro, 20 de decembro de 2010. A xira ‘Contos coas mans abertas’ promovida polo Fondo Galego de Cooperación e Solidariedade dentro das súas actividades de sensibilización chega mañá martes 21 de decembro á vila lucense do Valadouro. A representación, organizada polo Concello en calidade de membro da entidade municipalista, terá lugar ás 13.00 horas no centro sociocultural, xuvenil e da terceira idade ‘Manuel Lourenzo’, e está dirixida a uns 80 alumnos e alumnas de 1º a 4º curso da ESO.
O espectáculo músico-teatral ‘Contos coas mans abertas’, creado expresamente para esta campaña pola compañía compostelá A Tropa de Trapo, percorreu ao longo deste ano preto de vinte Concellos asociados ao Fondo Galego de Cooperación. Canda O Valadouro, foron Xove, Ramirás, Arteixo, Porto do Son, Ferrol, Cambre, A Estrada, Salceda de Caselas, Culleredo, Ames, Mos, Nigrán, Verín, Carballo, Burela, Abegondo, Cangas e Poio os lugares seleccionados para acoller as representacións.
A proposta, enfocada para público adolescente e adulto, baséase en contos narrados a dúas voces onde a música en directo cobra especial relevancia. Instrumentos como a guitarra, a kalimba, o goni ou o laúde árabe mergullan aos espectadores en historias reais, recollidas case todas en primeira persoa, contos sinceros e achegados que falan do fondo humano que nos une a todos. Sen caer en tópicos sobre a solidariedade e a cooperación, ‘Contos coas mans abertas’ é un espectáculo cheo de esperanza, de humor, de amor, de pequenas loitas e grandes soños. Son contos para mellorar o mundo e entendelo mellor.
Mulleres da aldea, cooperantes, guerrilleiros sandinistas, vacas, inmigrantes do Magreb ou unha tribo de bosquimanos son algúns dos protagonistas das historias contadas por Marta Ortiz e Brais Gutiérrez, dous ensinantes de vocación que en 2006 xuntaron as súa inquedanza pola narración oral no proxecto A Tropa de Trapo. Dende entón levan percorrido toda Galicia, e mesmo outras Comunidades Autónomas, facendo reflexionar a nenos, mozos e maiores cos seus diferentes espectáculos.
O Fondo Galego
O Fondo Galego de Cooperación e Solidariedade é unha rede que actualmente engloba a 96 Concellos e ás catro Deputacións de Galicia. Foi fundado en 1997 como un foro a través do que consensuar e concentrar os esforzos dos poderes locais galegos no eido da cooperación ao desenvolvemento. Trátase deste modo de garantir unha xestión profesional e transparente, así como a realización de proxectos ambiciosos que teñan un verdadeiro impacto nos países do Sur e facilitar unha meirande sensibilización da sociedade galega a prol da solidariedade internacional.
Desde a súa fundación, a asociación ten desenvolvido 135 proxectos en máis de 20 países, e organizado e editado multitude de actividades e materiais en relación aos desequilibrios existentes entre os países do Norte e do Sur. Ten garantido a presenza da solidariedade do pobo galego nas catástrofes que afectan a aqueles países do mundo con menor capacidade para as enfrontar, con proxectos de reconstrución (como os casos de Sri Lanka, despois do maremoto de 2004, Cuba, despois dos furacáns de 2008 ou Gaza, despois dos bombardeamentos israelitas de finais de 2008 e primeiros de 2009). Na actualidade mantén aberta unha conta de emerxencia para a reconstrución do Haití.
SERVIZO DE COMUNICACIÓN
Carmen Novas 616 145 077
comunicacion@fondogalego.org
Contos coas mans abertas – A Tropa de Trapo
CALENDARIO DE REPRESENTACIÓNS
06/06/2010 RAMIRÁS (Ourense) Centro Social e Cultural do Picouto 18.00 h
Ramirás Solidario, inclúe exposición ‘Os obxectivos do milenio’
15/06/2010 ARTEIXO (A Coruña) Centro Social do Frixol 19.00 h
20/08/2010 PORTO DO SON (A Coruña)
Xornadas Solidarias
24/08/2010 XOVE (Lugo) Aula Multideportiva (Concello) 20.00 h
Festas locais na honra de San Bartolo
04/09/2010 FERROL (A Coruña)
III Certame Solidario
21/09/2010 CAMBRE (A Coruña)
Día Internacional pola Paz
01/10/2010 SALCEDA DE CASELAS (Pontevedra) Casa da Cultura 18.00 h
Peche ao Ciclo de Cinema Solidario e a exposición ‘Os obxectivos do milenio’
05/10/2010 A ESTRADA (Pontevedra) Teatro Principal (alumnos 2º Bach) 17.00 h
15/10/2010 CULLEREDO (A Coruña) IES Cruceiro Baleares 11.00 h
18/10/2010 AMES (A Coruña) IES de Ames
Día Internacional da Pobreza
20/10/2010 NIGRÁN (Pontevedra) Escolas Probal 11.30 h
29/10/2010 MOS (Pontevedra) Auditorio do Multiusos de Petelos 19.30 h
16/11/2010 VERÍN (Ourense) IES Xesús Taboada Chivite 10.30 h
Día Internacional da Tolerancia
25/11/2010 CANGAS (Pontevedra) IES María Soliño 11.30 h
Día Internacional para a Eliminación da Violencia Contra a Muller
26/11/2010 CARBALLO (A Coruña)
Feira das Asociacións
10/12/2010 BURELA (Lugo) IES de Burela
Día dos Dereitos Humanos
15/12/2010 ABEGONDO (A Coruña) 12.30 h
Festa dos Maiores
21/12/2010 O VALADOURO (Lugo) Salón de actos Casa da Cultura “Manuel Lourenzo” de O Valadouro 13.00 h
22/12/2010 POIO (Pontevedra) IES de Poio 10.00 h
www.tropadetrapo.blogaliza.org
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
