Nota de prensa:
RO: ‘O RAÍÑAS SERÁ UN DERBI INTERESANTE, CUN RIVAL DIFÍCIL QUE LOITA POLO ASCENSO’
Rosana Carballés remata 2010 co título de pichichi laranxa, con nada máis e nada menos que 17 tantos, “froito do bo traballo colectivo” segundo a propia xogadora. A co-capitá do Burela FSF Pescados Rubén quixo convidar a todos os afeccionados/as á primeira cita de 2011, o III Trofeo Raíñas Meigas. “Será un derbi interesante. O Poio FS é un equipo que está apostando polo ascenso; fixo fichaxes importantes de Honra. Nos dous últimos anos tivo a mala sorte de quedar ás portiñas da máxima categoría” explicou a burelá, incidindo na vistosidade da cita: “Espero que sexa un encontro de ti a ti e que todo o mundo poida gozar do espectáculo; poderemos ir sumando minutos todas xuntas, co aliciente que supón para a bancada a aparición das incorporacións”.
Neste ‘impasse’ competitivo, a pivote tamén analizou a traxectoria ligueira das laranxas ata o momento. “A palabra é inmellorable. Sabiamos que tiñamos que facer un sobreesforzo, pola escasa amplitude de banco, e obtivemos a recompensa merecida. Se a principio de tempada nos din que no Nadal estamos quintas, a un punto das cuartas, con enfrontamento directo e con posibilidades de estar incluso entre as tres primeiras ninguén o crería”.
Para afrontar con enerxía o novo ano, o cadro de Javier Pardeiro está inmerso nunha meticulosa preparación. “Despois da semana de rexeneración, coincidindo co Torneo Mundial, aproveitamos o Nadal para realizar unha pequena pretempada; estamos traballando fisicamente forte con dobres sesións diarias. Temos que cargar as pilas para afrontar o resto de tempada e chegar ben no caso de acceder á Copa de España” dixo Ro, que destacou a rápida integración das fichaxes de inverno: “Vannos dar aire fresco. Contar con dúas xogadoras máis, e por riba de calidade, daranos profundidade e vai permitir que todas poidamos estar ao cen por cento, sen resentirnos polo exceso de minutos”.
Con respecto aos obxectivos da tempada, Ro mostrouse optimista. “Firmaría agora mesmo rematar entre os catros primeiros porque iso implicaría ser cabeza de serie na Copa de España. A tempada é moi longa e nós nunca damos nada por perdido porque xa soubemos superar moitas adversidades e estamos respondendo” concluíu a pichichi burelista.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
